ТАҚВИМИ АМИТ «ХОВАР»: имрӯз 29 март, панҷшанбе, 89-умин рӯзи соли 2024 аст

29 марти соли 1929 Иттифоқи «Тоҷикматлубот» таъсис дода шуд.

***

29 марти соли 1936 Иттифоқи меъморони Тоҷикистон созмон дода шуд.

***

29 марти соли 2010 дар шаҳри Душанбе ба Президенти Ҷумҳурии Тоҷикистон Эмомалӣ Раҳмон ҷоизаи махсуси Созмони Милали Муттаҳид «Оид ба ҳадафҳои Рушди ҳазорсола», ки барои пешсафӣ ва ташаббускорӣ дар идораи захираҳои обию энергетикӣ ва дастовардҳои намоён дар татбиқи ҳадафҳои Рушди ҳазорсола таъйин гардидааст, тақдим гардид.

***

Дар ин рӯзи соли 2011 Барномаи миллии пешгирӣ, ташхис ва табобати беморони гирифтори нуқсонҳои модарзодӣ ва тарбоди дил дар Ҷумҳурии Тоҷикистон барои солҳои 2011-2015 тасдиқ шуд.

***

29 марти соли 2021 Президенти Ҷумҳурии Тоҷикистон Эмомалӣ Раҳмон бо Вазири корҳои хориҷии Ҷумҳурии Озарбойҷон Ҷайҳун Байрамов мулоқот намуданд.

*** 

29 марти соли 2022 дар Алмаато музокироти ҳайатҳои Маҷлиси миллии Маҷлиси Олии Ҷумҳурии Тоҷикистон ва Сенати Парламенти Ҷумҳурии Қазоқистон доир шуд.

*** 

29 марти соли 2022 бо ташаббуси Сафорати Тоҷикистон дар Озарбойҷон дар якҷоягӣ бо Вазорати фарҳанги Ҷумҳурии Озарбойҷон дар Мамнуъгоҳи миллии таърихию бадеии Гобустон фестивали «Оши палов» бахшида ба Иди Наврӯз баргузор шуд.  

***

29 марти соли 2023  Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо мақсади иштирок дар тантанаҳои ҷашни Наврӯзи байналмилалӣ, шиносоӣ бо ҷараёни корҳои кишоварзии баҳорӣ, бунёди боғу токзор, мулоқоту суҳбат бо сокинон ва ифтитоҳи якчанд иншооти истеҳсолию иҷтимоӣ ба вилояти Суғд ташриф оварданд.

29 МАРТ:

Дар Мадагаскар – Рӯзи хотираи қаҳрамонон.