Вазорати адлия: Дар 49 шаҳру ноҳияи Тоҷикистон ёрии ҳуқуқии якумдараҷа амалӣ шудааст
ДУШАНБЕ, 09.03.2024. /АМИТ «Ховар»/. То имрӯз аз ҷониби Вазорати адлияи Ҷумҳурии Тоҷикистон ёрии ҳуқуқии якумдараҷа дар 49 шаҳру ноҳия ва ёрии ҳуқуқии дуюмдараҷа бо парвандаҳои ҷиноятӣ дар тамоми ҳудуди ҷумҳурӣ амалӣ шудааст. Дар ин хусус зимни баргузории машварати омӯзишӣ вобаста ба Соли маърифати ҳуқуқӣ эълон гардидани соли 2024 иттилоъ дода шуд.
Тавре ба АМИТ «Ховар» дар Вазорати адлияи ҷумҳурӣ хабар доданд, барои кормандони Муассисаи давлатии «Маркази ёрии ҳуқуқӣ» машварати омӯзишӣ баргузор шуд.
Вазири адлияи Ҷумҳурии Тоҷикистон Музаффар Ашуриён иброз дошт, ки бо дастгирии Ҳукумати Ҷумҳурии Тоҷикистон аз соли 2016 инҷониб Вазорати адлия дар ҳамкорӣ бо шарикони рушд низоми нави расонидани ёрии ҳуқуқиро амалӣ менамояд. Дар давраи фаъолият ва амалишавии Қонуни Ҷумҳурии Тоҷикистон «Дар бораи ёрии ҳуқуқӣ» ба зиёда аз 118 ҳазор шаҳрванд ёрии ҳуқуқии ройгон расонида шуд.
Дар Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» аз 28 декабри соли 2023 соли 2024 Соли маърифати ҳуқуқӣ эълон гардид. Дар ин замина тамоми мақомоти давлатӣ вазифадор гардиданд, ки соли 2024 ҷиҳати баланд гардонидани маърифати ҳуқуқии шаҳрвандон саҳм гузоранд.
«Бояд иброз дошт, ки он натиҷаҳое, ки мо то имрӯз дар ин самт ба даст овардаем, басанда нест. Дар ин сол ҳар яки моро зарур аст, ки фаъолиятамонро дучанд намуда, дар баланд гардонидани маърифати ҳуқуқии аҳолии Ҷумҳурии Тоҷикистон саҳми арзанда гузорем. Зеро пешрафти давлат ва сулҳу суботи ҷомеа ба маърифати волои ҳуқуқӣ вобастагии калон дорад»,-баён дошт Вазири адлия.
АКС: Вазорати адлияи Ҷумҳурии Тоҷикистон
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
Шаҳноза Ахмедова соҳиби Шоҳҷоизаи Фестивал-озмуни ҷумҳуриявии «Як матову сад ранг» гардид
Дар Дастгоҳи иҷроияи Президенти Ҷумҳурии Тоҷикистон бахшида ба ҷашни 35-солагии Истиқлоли давлатӣ нишасти илмию назариявӣ баргузор гардид
Туҳфаи Президенти Тоҷикистон ба собиқадори Ҷанги дуюми ҷаҳонӣ дар шаҳри Бохтар расонида шуд
