Волейболбозони дастаи мунтахаби ноҳияи Шуғнон соҳиби Ҷоми Раиси вилоят шуданд
ХОРУҒ, 31.03.2024 /АМИТ «Ховар»/. Дар варзишгоҳи марказии шаҳри Хоруғ бо иштироки зиёда аз 5 ҳазор тамошобин байни дастаҳои мунтахаби ноҳияҳои Шуғнон ва Рӯшон барои соҳиб шудан ба Ҷоми Раиси Вилояти Мухтори Кӯҳистони Бадахшон бозии ниҳоӣ аз намуди волейбол баргузор шуд, иттилоъ медиҳад хабарнигори минтақавии АМИТ «Ховар» Файз Мирасан.
Аз аввал дар ин мусобиқа 12 даста аз шаҳру ноҳияҳои вилоят иштирок ва давоми як ҳафта бо ҳам рақобат намуданд. Дар ниҳоят дастаҳои мунтахаби ноҳияҳои Шуғнон ва Рӯшон ба бозии ниҳоӣ роҳхат гирифта, дар варзишгоҳи марказии шаҳри Хоруғ бозӣ намуданд. Бозии ин дастаҳо аз оғоз то анҷом хеле ҷолиб гузашт. Гарчанде ки волейболбозони дастаи Рӯшон маҳорату малакаи хуби варзишӣ нишон доданд, аммо бо ҳисоби 3 бар 1 бозиро бохтанд.
Ба ҳамин тартиб дастаи мунтахаби Шуғнон аз аввали мусобиқа то бозии ниҳоӣ ҳамаи тимҳоро шикаст дода, соҳиби Ҷоми Раиси Вилояти Мухтори Кӯҳистони Бадахшон гардид. Ҷоми Раиси вилоятро дар назди ҳазорон ҳаводорони ин намуди зебои варзиш ба волейболбозони дастаи Шуғнон муовини аввали раиси вилоят Шарифхон Сафарзода дар вазъияти тантанавӣ тақдим намуд. Ин даста барои гирифтани мақоми аввал бо 6 ҳазор сомонӣ маблағ қадрдонӣ шуд.
Дастаҳои Рӯшон ва водии Бартанг дар мақоми дуюму сеюм қарор гирифтанд.
АКС: АМИТ «Ховар»
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
Варзишгарони паралимпии Тоҷикистон пас аз иштирок дар Бозиҳои V параосиёӣ ба Ватан баргаштанд
Ҳайати васеи дастаи мунтахаби Тоҷикистон оид ба футбол барои иштирок дар мусобиқаи «Кing’s Сup 2026» эълон гардид
«KING’S CUP 2026». Дастаи мунтахаби Тоҷикистон дар даври нимниҳоӣ бо тими миллии Умон бозӣ мекунад
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
