Зайниддин Раҳимов сармураббии дастаи «Регар-ТадАЗ»-и шаҳри Турсунзода таъйин шуд
ДУШАНБЕ, 13.03.2024. /АМИТ «Ховар»/. Сармураббии нави дастаи футболи «Регар-ТадАЗ»-и шаҳри Турсунзода мутахассиси футболи тоҷик Зайниддин Раҳимов таъйин гардид. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Ёдовар мешавем, ки Зайниддин Раҳимов 14 майи соли 1965 дар Ҷумҳурии Тоҷикистон ба дунё омада, даврони футболбозиашро дар дастаҳои футболи «Равшан»-и шаҳри Кӯлоб, «Вахш»-и Қурғонтеппа (Бохтар), «СКА»-и Қумсангир (Ҷайҳун), «Ҳосилот»-и ноҳияи Фархор ва «Помир»-и шаҳри Душанбе гузаронидааст.
Зайниддин Раҳимов фаъолияти футболбозиашро дар 36-солагӣ ҷамъбаст намуда, аз соли 1999 пешаи мураббигиро интихоб кард. Ибтидо ба ҳайси сармураббӣ дар дастаҳои футболи «Равшан»-и шаҳри Кӯлоб ва «Ансол»-и шаҳри Кӯлоб кор намуда, баъд солҳои 2004-2006 сармураббии дастаи «Динамо»-и шаҳри Душанбе буд. Ҳамзамон бо ин соли 2004 ба ҳайси ёвари сармураббӣ дар дастаи мунтахаби Тоҷикистон низ як муддат кор намудааст.
Солҳои охир Зайниддин Раҳимов ба ҳайси сармураббии дастаи мунтахаби наврасони то 17-солаи Тоҷикистон кор карда, ба муваффақияти чашмрас ноил гардид. Муҳимтарин дастоварди ӯ ҷойи дуюм дар Чемпионати Осиё байни футболбозони то 16- сола дар соли 2018 ва ба марҳилаи ниҳоии Ҷоми ҷаҳонӣ байни наврасони то 17- сола баровардани дастаи мунтахаби наврасони Тоҷикистон дар соли 2019 мебошад.
Зайниддин Раҳимов бо шогирдонаш дар мусобиқаҳои дигари байналмилалӣ низ ба дастовардҳои баланд ноил гардидааст.
АКС: Федератсияи футболи Тоҷикистон
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
