Абубакр Боқиев сазовори Шоҳҷоизаи Мусобиқаи гӯштини миллӣ дар ноҳияи Рӯдакӣ гардид
ДУШАНБЕ, 26.04.2023 /АМИТ «Ховар»/. Бахшида ба Рӯзи ҷавонони Тоҷикистон ва 30-солагии қабули Конститутсияи Ҷумҳурии Тоҷикистон бо ибтикори Мақомоти иҷроияи ҳокимияти давлатии ноҳияи Рӯдакӣ дар ҳамкорӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар Ҷамоати деҳоти Лоҳури ноҳия мусобиқаи кушоди варзишӣ оид ба гӯштини миллӣ баргузор гардид, хабар медиҳад шореҳи варзиши АМИТ «Ховар».
Дар мусобиқа паҳлавонони вилоятҳо ва шаҳру ноҳияҳои ҷумҳурӣ, ба монанди Шодмон Ризоев, Ҳақназар Назаров, Улуғбек Раҳимов, Абубакр Боқиев, Караматулло Ҳакимов, Мулораҷаб Халифаев, Ғазалшоҳи Давлатшоҳ, Суҳроб Боқиев, Шакармамад Мирмамадов, Хуршед Маҷидов, Зафар Олимшоев, Субҳиддин Халилзода, Мирзоҷамил Рамазонов, Амриҷони Насимҷон, Шаҳриёр Акбарзода, Рашид Зиёбеков, Комрон Карлеков, Ҳайдари Саидкабирзода, Муслимбек Қайюмов, Зикрулло Қодиров ва инчунин паҳлавонон аз Ҷумҳурии Узбекистон иштирок ва бо ҳам қувва озмуданд.
Баъди ҳар давр аз ҷониби ташкилкунандагони ин мусобиқаи варзишӣ ба ғолибон дар маросими тантанавӣ туҳфаҳои қиматнок, аз қабили мошинҳои сабукрав, уштур, асп, гов, гӯсфанд, телевизор, мошинаи ҷомашӯӣ, қолин, маблағҳои пулӣ ва ғайра тақдим карда шуд.
Дар мусобиқа аз ҷониби ташкилкунандагон Шоҳҷоиза- ду мошини сабукрав гузошта шуда буд. Ҳамин тавр, Абубакр Боқиев аз ноҳияи Рӯдакӣ ва Зикрулло Қодиров аз ноҳияи Ховалинг бо ҳам рақобати ҷолиб намуданд. Дар ниҳоят бо усули хеле зебо Абубакр Боқиев Зикрулло Қодировро мағлуб намуда, сазовори Шоҳҷоиза- мошини сабукрави тамғаи «Опел сидан» гардид.
Барои Шоҳҷоизаи дуюми мусобиқа ду паҳлавони шинохтаи тоҷик- Шодмон Ризоев аз шаҳри Кӯлоб ва Ҳақназар Назаров аз шаҳри Ҳисор баҳри мухлисони гӯштини миллӣ рақобат намуданд. Ин паҳлавонон миёни ҳам тақрибан як соат гӯштин гирифтанд, вале ғолиб маълум нагардид. Дар охир Шоҳҷоизаи дуюм аз ҷониби ташкилкунандагони мусобиқа ба кормандони ҳифзи ҳуқуқи ноҳияи Рӯдакӣ ҳадя гардид.
Меҳрони ҚУРБОН,
АМИТ «Ховар»
АКС: АМИТ «Ховар»
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
Маросими гусели ҳайати дастаи мунтахаби паралимпии мамлакат ба Бозиҳои V Параосиёӣ баргузор гардид
