Ҳайати Тоҷикистон бо раиси Бонки миллии Швейтсария роҳҳои тақвияти ҳамкориро баррасӣ намуд
ДУШАНБЕ, 20.04.2024 /АМИТ «Ховар»/. Дар шаҳри Вашингтон вохӯрии муовини якуми Сарвазири Ҷумҳурии Тоҷикистон Ҳоким Холиқзода бо раиси Бонки миллии Швейтсария Томас Йордан доир гардид, хабар доданд ба АМИТ «Ховар» дар Бонки миллии Тоҷикистон.
Дар ҷараёни мулоқот ба сатҳу сифати ҳамкории дуҷонибаи давлатҳо баҳои баланд дода, таъкид шуд, ки муносибати Ҷумҳурии Тоҷикистон бо Конфедератсияи Швейтсария дар соҳаҳои гуногуни иқтисодиёт рӯз то рӯз тақвият меёбад.
Роҳбари ҳайати Ҷумҳурии Тоҷикистон бо ишора ба муносибатҳои боэътимоди иқтисодӣ, ҳамкории мутақобилан судманд ва муаррифии фаъолонаи манфиатҳои Ҷумҳурии Тоҷикистон аз ҷониби Бонки миллии Швейтсария дар Шурои директорони Хазинаи Байналмилалии Асъор /ХБА/ ва Бонки ҷаҳонӣ ба раиси он Томас Йордан миннатдорӣ баён намуд. Гуфта шуд, ки маҳз солҳои ба ҳайси раиси Шурои мудирони Бонки миллии Швейтсария хизмат намудани Томас Йордан муносибатҳо боз ҳам тақвият ёфтанд.Дар вохӯрӣ Раиси Бонки миллии Тоҷикистон Фирдавс Толибзода иштирок намуд.
Ҳайати Ҷумҳурии Тоҷикистонро дар ҷаласаҳои баҳории Хазинаи Байналмилалии Асъор ва Гурӯҳи Бонки ҷаҳонӣ муовини якуми Сарвазири Ҷумҳурии Тоҷикистон Ҳоким Холиқзода, ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода, Вазири молияи Ҷумҳурии Тоҷикистон Файзиддин Қаҳҳорзода ва Раиси Бонки миллии Тоҷикистон Фирдавс Толибзода намояндагӣ менамоянд.
АКС: Бонки милли Тоҷикистон
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
ҚУРБИ АСЪОР: 1 рубли русӣ аз 0.1020 то 0.1068 сомонӣ муқррар шудааст
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Дар «Саноатсодиротбонк» 35-солагии Истиқлоли давлатӣ таҷлил гардид
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Кормандони «Саноатсодиротбонк» бо мукофотҳои давлатӣ сарфароз гардиданд
