Бахшида ба Рӯзи даъватшаванда дар Ашт ҳамоиши тантанавӣ доир шуд
СУҒД, 03.04.2024 /АМИТ «Ховар»/. Дар майдони Парчами давлатии ноҳияи Ашти вилояти Суғд бахшида ба Рӯзи даъватшаванда таҳти шиори «Хизмат ба Ватан қарз аст» ҳамоиши тантанавӣ доир гардид, хабар доданд ба АМИТ «Ховар» дар хадамоти матбуоти Раиси ноҳияи Ашт.
Дар ҳамоиш гуфта шуд, ки бояд ҳар афсару сарбози шуҷои ҷумҳурӣ ҳидоятҳои Сарфармондеҳи Олии Қувваҳои Мусаллаҳи Ҷумҳурии Тоҷикистон, Генерали артиш Эмомалӣ Раҳмонро сармашқи кор қарор дода, ҳамчун сипари боэътимоди Ватан дар иҷрои вазифаҳои хизматиашон ҳамеша ҳушёру зирак бошанд ва ҳаргиз фаромӯш накунанд, ки фазои орому осудаи имрӯзаи Тоҷикистони соҳибистиқлол бар ивази ҷони садҳо нафар ҷавонмардони бо нангу номуси миллат ба даст омадааст.
Даъватшаванда аз Ҷамоати шаҳраки Шайдон Шодруз Тошматов, сарбози қаторӣ аз қисми ҳарбӣ Меҳровар Мерганов, падари даъватшаванда Илҳом Машарипов аз Ҷамоати деҳоти Понғоз, Марворид Муминова аз Ҷамоати шаҳраки Шайдон ва собиқадори меҳнат Тошмуҳаммад Ёрматов дар назди ҳозирин оид ба мояи ифтихор будани хизмат ба Ватан сухан гуфта, ҷавононро ба дӯст доштани Ватан ва хизмати содиқона ба он даъват намуданд.
Раиси ноҳия ба даъватшудагоне, ки даври омӯзиши кӯтоҳмуддати ронандагиро хатм намудаанд, дар фазои тантанавӣ шаҳодатномаи ронандагӣ супорид.
Дар идома волидайне, ки зиёда аз 3 фарзандашон дар сафи Қувваҳои Мусаллаҳи Ҷумҳурии Тоҷикистон хизматро иҷро менамоянд, бо Сипоснома ва туҳфаҳои мақомоти иҷроияи ҳокимияти давлатии ноҳия қадршиносӣ шуданд.
Дар фарҷом барномаи театрӣ ва рақсҳои ҷаззобу сурудҳои дилнишин табъи ҳозиринро болида намуданд.
АКС: Хадамоти матбуоти Раиси ноҳияи Ашт
СААД баимзорасии Шартнома байни Тоҷикистон ва Қирғизистон дар бораи сарҳади давлатиро истиқбол менамояд
Барои кормандзанони мақомоти корҳои дохилӣ барномаи идонаи бошукуҳ доир гардид
Дар Душанбе ҷаласаи Комиссияи даъвати ҷумҳуриявӣ баргузор шуд
Котиби Шурои амнияти Ҷумҳурии Тоҷикистон бо Директори Кумитаи иҷроияи Сохтори минтақавии зиддитеррористии СҲШ мулоқот намуд
«БЕҲТАРИН РАСМИ МОДАР ВА ДУХТАР БО ЛИБОСИ МИЛЛӢ». Таҳти ин унвон озмун баргузор мегардад
Сарфармондеҳи Олии Қувваҳои Мусаллаҳ: «Артиши миллии Тоҷикистон ба яке аз рукнҳои муҳимми давлатдории навини тоҷикон мубаддал гардидааст»
ИМРӮЗ — РӮЗИ ТАЪСИСИ ҚУВВАҲОИ МУСАЛЛАҲИ ТОҶИКИСТОН. Давлат бо Артиши миллӣ муқтадиру пойдор мемонад
СИПАҲСОЛОРИИ ПЕШВОИ МИЛЛАТ. Артиши миллӣ — артиши дар ибтидо пароканда ва номукаммале, ки имрӯз ба қувваи бузург ва ифтихори тоҷикон табдил ёфтааст
ҶОННИСОР, ШАБЗИНДАДОР ВА БОИСИ ИФТИХОР! Имрӯз Артиши миллии Ҷумҳурии Тоҷикистон сипари боэътимоди давлат ва миллат аст
ЗАНОНИ НИЗОМИПӮШ. Дар баробари зан-модар будан масъулияти ҳимояи Ватанро низ бар дӯш доранд
Эмомалӣ Раҳмон: «Ҳимояи Ватан ва ҳаёти осоиштаи мардум барои ҳар ҷавонмарди бонангу номус вазифаи муқаддас ва пуршараф ба ҳисоб меравад»
Дар шаҳри Бишкек ҷаласаи муштараки ҳайатҳои ҳукуматии Тоҷикистону Қирғизистон оид ба делимитатсия ва демаркатсияи сарҳади давлатӣ баргузор шуд
