«БАРОБАРИИ ГЕНДЕРӢ– ҲАДАФИ РУШДИ УСТУВОР». Дар Душанбе вохӯрии занони Тоҷикистон ва Узбекистон баргузор шуд

ДУШАНБЕ, 20.04.2024 /АМИТ «Ховар»/. Тавре қаблан хабар додем, 18 апрел дар меҳмонхонаи «Серена»-и шаҳри Душанбе дар мавзуи «Баробарии гендерӣ – ҳадафи рушди устувор» ҳамоиш баргузор гардид, ки дар он занони фаъоли Ҷумҳурии Тоҷикистон ва Ҷумҳурии Узбекистон иштирок намуданд. Дар ин хусус АМИТ «Ховар» бо истинод ба Кумитаи кор бо занон ва оилаи назди Ҳукумати Ҷумҳурии Тоҷикистон хабар медиҳад.

Ҳамоиш бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон доир шуд.

Дар вохӯрӣ аз ҷониби занон — намояндагони Тоҷикистон ва Узбекистон доир ба масоили баробарии гендерӣ, баланд бардоштани мақому мартабаи зан дар ҷомеа, ҳифзи ҳуқуқу озодиҳои занон, рушди соҳибкорӣ миёни бонувон табодули андешаҳо доир шуд.

Дар фарҷоми вохӯрӣ байни Раиси Кумитаи кор бо занон ва оилаи Ҷумҳурии Тоҷикистон Бунафша Файзиддинзода ва раиси Кумитаи оила ва занони Ҷумҳурии Узбекистон Озода Парпиева санадҳои ҳамкорӣ ба имзо расонида шуданд.

АКС: Кумитаи кор бо занон ва оилаи назди Ҳукумати Ҷумҳурии Тоҷикистон