Дар Коллеҷи тиббии шаҳраки Оби Гарми Роғун доир ба пешгирии терроризм конференсияи илмӣ баргузор гардид

Апрель 14, 2024 15:50

РОҒУН, 14.04.2024 /АМИТ «Ховар»/. Бо ташаббуси Мақомоти иҷроияи ҳокимияти давлатии шаҳри Роғун бахшида ба Соли маърифати ҳуқуқӣ эълон гардидани соли 2024 дар байни донишҷӯёну омӯзгорони Коллеҷи тиббии шаҳраки Оби Гарм вобаста ба татбиқи «Стратегияи муқовимат ба экстремизму терроризм дар Ҷумҳурии Тоҷикистон барои солҳои 2021-2025» конференсияи илмӣ-назариявӣ баргузор шуд. Дар ин хусус масъулини Мақомоти иҷроияи ҳокимияти двлатии шаҳри Роғун ба хабарнигори АМИТ «Ховар» Субҳониддини Маҳмуд иттилоъ доданд.

Дар ҳамоиш аъзои гурӯҳи корӣ баҳри дар амал иҷро намудани нақшаи чорабиниҳои Стратегияи муқовимат ба терроризм ва экстремизм, амалӣ намудани қонунҳои миллӣ ва татбиқи сиёсати давлатӣ дар соҳаи илму маориф, пош нахӯрдани оилаҳои ҷавон, баланд бардоштани ҳисси ватандӯстии ҷавонон ва ҷалби онҳо ба сафи Артиши миллӣ сухан гуфтанд.

Дар конференсия иброз гардид, ки тарбияи ҳарбӣ-ватандӯстӣ, тарғиби фарҳанги миллӣ ва пешгирии майли бегонапарастӣ, муборизаи идеологӣ бар зидди терроризм, экстремизм ва амсоли инҳо аз самтҳои аввалиндараҷаи тарбияи насли ҷавон ба шумор рафта, омӯзгорон ва падару модарон, собиқадорону фаъолон бояд насли ҷавонро дар руҳияи ватандӯстию хештаншиносӣ тарбия намоянд.

Имрӯзҳо шабакаҳои иҷтимоӣ яке аз роҳҳо ва омилҳои ҷалби ҷавонон ба гурӯҳҳои ифротӣ гардидаанд. Дар ин самт фаъолони гурӯҳҳои ифротӣ дар шабакаҳои иҷтимоӣ мавод ва маълумотро интихобан нашр менамоянд, то ба ин васила мағзи ҷавононро шуста, фикри онҳоро нисбат ба волидайн, ҷомеа, давлат ва инсоният тағйир диҳанд. Аз ин рӯ волидайни наврасону ҷавонон бояд тарзи истифодаи дурусти телефонҳои мобилӣ ва шабакаҳои иҷтимоиро ба фарзандонашон ёд диҳанд ва онҳоро мунтазам назорат кунанд.

Гуфта шуд, ки мубориза бар зидди ҷинояткорӣ ва пешгирии ҳамроҳшавии ноболиғон ва ҷавонон ба гурӯҳҳои ифротӣ вазифаи дастҷамъонаи тамоми шаҳрвандони мамлакат ба шумор меравад. Бетарафӣ нисбат ба ин зуҳуроти номатлуб хиёнат ба оила ва Ватан – Модар мебошад. Чунки ин омилҳои номатлуб ба рушди минбаъдаи давлат халали ҷиддӣ ворид намуда, ба ваҳдати миллӣ, истиқлолияти давлатӣ ва бехатарии мамлакат таҳдид менамоянд.

Тибқи иттилои масъулини Мақомоти иҷроияи ҳокимияти давлатии шаҳри Роғун, вохӯрии гурӯҳҳои корӣ бо ҷалби сокинони маҳал, ҷавонону наврасон ва хонандагону донишҷӯёни муассисаҳои миёнаи касбӣ идома меёбад.

АКС: Мақомоти иҷроияи ҳокимияти давлатии шаҳри Роғун

Апрель 14, 2024 15:50

Хабарҳои дигари ин бахш

29 ИЮЛ — РӮЗИ ҶАҲОНИИ ПАЛАНГ. Солҳои охир дар сайёра теъдоди ин ҷонвар кам мегардад
НИШАСТИ МАТБУОТӢ. Дар Тоҷикистон зиёда аз 3 тонна маводи нашъаовар мусодира карда шудааст
Имрӯз дар Тоҷикистон хавфи сар задани селҳои пиряхӣ боқӣ мемонад
Имрӯз дар якчанд вазорату идораҳо нишасти матбуотӣ баргузор мегардад
29 июл дар якчанд вазорату идораҳо нишасти матбуотӣ баргузор мегардад
Давоми шаш моҳ аз ноҳияи Фирдавсӣ қариб 1700 нафар аъзои Ҳизби Халқии Демократии Тоҷикистон гардид
Имрӯз дар Тоҷикистон ҳарорати ҳаво ба 34 дараҷа мерасад
Имрӯз дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
Пагоҳ дар якчанд вазорату идораҳо оид ба ҷамъбасти шашмоҳаи якуми соли 2025 нишасти матбуотӣ баргузор мегардад
Намояндагони Федератсияи футболи Тоҷикистон дар конфронси тиббии КФО иштирок намуданд
Имрӯз дар Тоҷикистон хавфи сар задани селҳои пиряхӣ боқӣ мемонад
Дар шаҳри Бохтар аз ҷониби Ҳизби Халқии Демократии Тоҷикистон 933 чорабинӣ доир карда шуд