Дар Тоҷикистон иҷрои нақшаи андозҳо ва дигар пардохтҳои ҳатмӣ ба андозаи 105,9% таъмин гардид

Апрель 22, 2024 17:07

ДУШАНБЕ, 22.04.2024 /АМИТ «Ховар»/. Дар семоҳаи якуми соли 2024 иҷрои нақшаи андозҳо ва дигар пардохтҳои ҳатмӣ дар Тоҷикистон ба андозаи 105,9 фоиз  таъмин гардид. Ба ҷойи 4 миллиарду 532 миллиону 900 ҳазор  сомонӣ ба буҷети давлатӣ 4 миллиарду 802 миллиону 400 ҳазор сомонӣ маблағ ворид шуд, ки нисбат ба нишондиҳандаҳои пешбинишуда 269 миллиону 500 ҳазор сомонӣ зиёд мебошад.

Тавре ба АМИТ «Ховар» дар Кумитаи андози назди Ҳукумати Ҷумҳурии Тоҷикистон хабар доданд, дар ин давра иҷрои нақшаи андозҳо ва пардохтҳо дар Кӯҳистони Бадахшон ба андозаи 105,3 фоиз, вилоятҳои Хатлон – 102,5 фоиз, Суғд – 101,9 фоиз, шаҳри Душанбе – 108,8 фоиз, шаҳру ноҳияҳои тобеи ҷумҳурӣ дар маҷмуъ – 104,5 фоиз ва Раёсати андози андозсупорандагони калон – 92,2 фоиз таъмин гардид.

Дар семоҳаи якум иҷрои нақшаи андоз аз фурӯш 87,4 фоиз таъмин шуда, аз ин ҳисоб ба буҷет 1 миллиону 100 ҳазор сомонӣ маблағ ворид нагардид.

Таҳлилу баррасии маълумоти оморӣ нишон медиҳад, ки дар семоҳаи якуми соли 2024 ҳаҷми истеҳсоли маҳсулоти саноатӣ, ки дар маҷмуи маҳсулоти дохилӣ ҳиссаи он бештар аз 40 фоизро ташкил медиҳад, ба андозаи 108 фоиз, кишоварзӣ 106,7 фоиз, ҳаҷми умумии гардиши савдо 112,3 фоиз  ва хизматрасонии пулакӣ 116,5 фоиз  рушд ёфтааст.

АКС аз манбаъҳои боз

Апрель 22, 2024 17:07

Хабарҳои дигари ин бахш

МАСЛИҲАТИ МУТАХАССИС. Қулфинай сарчашмаи асосии витамини С мебошад
Дар Тоҷикистон дар заминҳои лалмӣ шолӣ парвариш карда мешавад
Муносиботи Тоҷикистон ва Чин бар руҳияи дӯстӣ, робитаҳои неки ҳамсоягию таърихӣ ва шарикии стратегӣ асос ёфтаанд
Роҳбарони ниҳодҳои ҳифзи муҳити зисти Созмони Ҳамкории Шанхай дар Остона масъалаҳои экологӣ ва тағирёбии иқлимро баррасӣ намуданд
Президенти Тоҷикистон аз он изҳори нигаронӣ намуданд, ки соли 2023 дар Хатлон 900 гектар замини корами обӣ аз гардиши кишоварзӣ берун мондааст
Дар Душанбе бахшида ба Рӯзи кормандони соҳаи стандартизатсия ва метрология конфронси ҷумҳуриявӣ доир шуд
25 МАЙ-РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. «Тоҷикстандарт» ташхиси сифати молу маводро тибқи меъёрҳои замонавӣ таъмин менамояд
АЗ ИФТИТОҲИ ГУЗАРГОҲИ САРҲАДИИ «КУЛМА ҚАРОСӮ» 20 СОЛ СИПАРӢ ШУД. Нақши он дар тақвияти робитаҳои тиҷоратии Тоҷикистон ва Чин муассир аст
РӮЗИ БАЙНАЛМИЛАЛИИ МОРХӮР. Бахшида ба рӯзи ин ҳайвони нодир конференсия доир шуд
24 МАЙ- РӮЗИ БАЙНАЛМИЛАЛИИ БУЗИ МОРХӮР. Шумораи бузи кӯҳии пармашох–Морхӯр дар Тоҷикистон беш аз 6000 сарро ташкил медиҳад
Бонки ҷаҳонӣ талошҳои Тоҷикистонро дар самти тавсеаи ҳисоббаробаркунии ғайринақдӣ ҷонибдорӣ менамояд
Таваҷҷуҳи соҳибкорони Чин ба бунёди коргоҳ ва корхонаҳои истеҳсолӣ дар вилояти Хатлон меафзояд