Эмомалӣ Раҳмон: «Мо Ҷумҳурии Италияро шарики муҳим ва боэътимоди худ дар Аврупо медонем»

Апрель 24, 2024 09:00

ДУШАНБЕ, 24.04.2024 /АМИТ «Ховар»/. 23 апрел дар мулоқот бо Президенти Ҷумҳурии Италия Серҷо Маттарелла Президенти Ҷумҳурии Тоҷикистон муҳтарам Эмомалӣ Раҳмон изҳор намуданд, ки барои Тоҷикистон Италия дар Аврупо шарики муҳим ва боэътимод мебошад, хабар медиҳад АМИТ «Ховар» бо истинод ба Хадамоти матбуоти Президенти Ҷумҳурии Тоҷикистон.

«Мо Ҷумҳурии Италияро шарики муҳим ва боэътимоди худ дар Аврупо медонем», — таъкид доштанд Сарвари давлати Тоҷикистон дар оғози суҳбат.

Ҷонибҳо зимни музокирот маҷмуи масоили ҳамкории байни ду давлат ва густариши робитаҳо дар соҳаҳои сиёсӣ, иқтисодию тиҷоратӣ, инчунин имконоти татбиқи лоиҳаҳои муштараки сармоягузориро баррасӣ намуданд.

Дар фароварди мулоқот Президенти Ҷумҳурии Тоҷикистон аз Президенти Ҷумҳурии Италия даъват ба амал оварданд, ки бо сафари расмӣ ба Тоҷикистон ташриф орад.

Ёдовар мешавем, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сафари расмӣ дар Ҷумҳурии Италия қарор доранд.

АКС: Хадамоти матбуоти Президенти Ҷумҳурии Тоҷикистон/АМИТ «Ховар»

Апрель 24, 2024 09:00

Хабарҳои дигари ин бахш

Тоҷикистон ва Туркманистон ҳамкории байниминтақавиро таҳким мебахшанд
Дар Эрон нишасти фарҳангии «Шаби устод Садриддин Айнӣ» баргузор гардид
Дар Берлин дар мавзуи назми тоҷик ҳамоиши фарҳангӣ баргузор шуд
Намояндаи доимии Тоҷикистон ҷаласаи солонаи Шурои иҷроияи Созмони Милали Муттаҳид-Занонро раисӣ намуд
Дар Австрия оид ба Раванди оби Душанбе маълумоти муфассал пешниҳод гардид
Дар Женева масъалаи ҳамкории Тоҷикистон бо Фонди сармоягузории Швейтсария барои бозорҳои рушдёбанда баррасӣ гардид
Соли 2025 Душанбе мизбони Форуми VIII коршиносони Осиёи Марказӣ мегардад
Имконияти сайёҳии Тоҷикистон дар Олмон муаррифӣ гардид
Байни вазоратҳои корҳои хориҷии Тоҷикистон ва Ангола Барномаи ҳамкорӣ ба имзо расид
Давлатшоҳ Гулмаҳмадзода бо Рияз Минзарипов вохӯрӣ намуд
Сарвазири Тоҷикистон Қоҳир Расулзода бо Ноиби Президенти Ангола Сперанса Мария Эдуарду Франсишку да Кошта мулоқот намуд
Сарвазири Тоҷикистон Қоҳир Расулзода бо сафирони кишварҳои узви Созмони Милали Муттаҳид мулоқот анҷом дод