Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид

Апрель 18, 2024 11:11

ДУШАНБЕ, 18.04.2024 /АМИТ «Ховар»/. Имрӯз дар Муассисаи давлатии «Боғи Ирам»- и пойтахт бо иштироки меҳмонони сатҳи баланд- ҳайати занони Ҷумҳурии Узбекистон даври ҷамъбастии Озмуни ҷумҳуриявии «Кадбонуи беҳтарин» доир гардид, хабар медиҳад мухбири АМИТ «Ховар.

Нахуст муовини Сарвазири Ҷумҳурии Тоҷикистон Дилрабо Мансурӣ, Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода, ҳайати Ҷумҳурии Узбекистон ва намояндагони дигар вазорату кумита, муассисаҳои ҷумҳурӣ бо маҳсули дасти кадбонуҳои соҳибзавқи пойтахт, вилоятҳои Суғду Хатлон, Вилояти Мухтори Кӯҳистони Бадахшон, ки ба намоиш гузошта шуда буданд, шинос шуданд.

Иштирокдорон ба дастархони орододаи довталабони озмун, ки яке аз дигаре ҷолибтар ба назар мерасид, баҳои баланд дода, иброз доштанд, ки ин озмун бо мақсади эҳё ва рушди анъанаҳои миллӣ, баланд бардоштани маърифати хонадорӣ, омода намудани духтарон ба ҳаёти мустақилона, эҳё ва ҳифзу нигоҳдошти беҳтарин суннатҳои миллии ниёгонамон дар самти омода намудани хӯрокҳои миллӣ, хӯришҳои болаззат, таомҳои маҳаллӣ, баланд бардоштани завқи кадбонугӣ ва ҳунари дастархонороии занону духтарони мамлакат гузаронида мешавад.

Меҳмонон иброз доштанд, ки занону духтарони тоҷику узбек дар кадбонугӣ ҳам ба якдигар монандии зиёд дошта, ҳатто хӯрокҳои миллии мо аз якдигар фарқи хеле кам доранд.

Сипас маросими ҷоизасупорӣ ба ғолибони Озмуни ҷумҳуриявии «Кадбонуи беҳтарин» доир гардид. Ғолибону фаъолони озмуни мазкур мукофотҳои арзишманд ҳавасманд гардонида шуданд, ки тафсилоти бештари онро манзур менамоем.

Ёдовар мешавем, ки Кумитаи кор бо занон ва оилаи назди Ҳукумати Ҷумҳурии Тоҷикистон бо мақсади иҷрои Амри Президенти Ҷумҳурии Тоҷикистон аз 12 декабри соли 2023 оид ба «Ҷадвали баргузории фестивал, намоиш, иду озмунҳои фарҳангию маърифатӣ ва анъанаю ҳунарҳои мардумӣ дар Ҷумҳурии Тоҷикистон барои соли 2024» бо иштироки меҳмонони сатҳи баланди дохилу хориҷи мамлакат 18-19 апрел озмуну фестивали ҷумҳуриявии «Кадбонуи беҳтарин» ва «Сад ранги чакан» -ро ҷамъбаст менамояд.

Хотиррасон мешавем, ки 19 апрел, соати 18:00 дар Маҷмааи фарҳангии «Аҳорун» (Амфитеатр) даври ҷамъбастии Фестивали ҷумҳуриявии «Сад ранги чакан» гузаронида мешавад.

Мавриди ёдоварӣ аст, ки бо мақсади тарғибу ташвиқи либоси миллӣ бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон аз 12 то 18 апрел дар доираи баргузории Фестивали ҷумҳуриявии «Сад ранги чакан» дар майдони «800- солагии Москва»- и шаҳри Душанбе намоиш-фурӯши маҳсулоти чакандӯзию гулдӯзӣ баргузор мегардад.

Рухсораи НУР,
АМИТ «Ховар»

АКС: АМИТ «Ховар»

Апрель 18, 2024 11:11

Хабарҳои дигари ин бахш

МО ҶАВОНЕМ, МО ҶАВОНЕМ, МО ҶАВОН! Дар Тоҷикистон зиёда аз 2 миллион нафарро ҷавонон ташкил медиҳанд
РИСОЛАТИ ТАЪРИХИИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАҲКИМИ ПОЯҲОИ ИСТИҚЛОЛИ ДАВЛАТӢ. Андешаҳо ба ифтихори 30-солагии таъсиси ҳизб
СОЛИ МАЪРИФАТИ ҲУҚУҚӢ. Расонидани ёрии ҳуқуқии ройгон ифодагари ғамхории Пешвои миллат нисбат ба мардуми Тоҷикистон аст
Дар Хоруғ даври шаҳрии Озмуни ҷумҳуриявии «Фурӯғи субҳи доноӣ китоб аст» ҷамъбаст гардид
«СИФАТИ ХИЗМАТРАСОНИИ ТИББӢ». Доир ба беҳтар намудани кумаки статсионарӣ ба модарон, навзодон ва кӯдакон машғулият доир гардид
Давоми шабонарӯзи охир бар асари бориши шадид дар минтақаҳои гуногуни Тоҷикистон сел ба амал омад
Бахшида ба Рӯзи ҷавонони Тоҷикистон Вазири корҳои дохилӣ бо ҷавонони фаъол вохӯрӣ намуд
Директори Хазинаи байналмилалии асъор бо занони пешсафи тоҷик мулоқот намуд
МОҲВОРАИ ҶАВОНОН. Дар шаҳри Бохтар Фестивали бозиҳои миллӣ баргузор гардид
«МАКТАБИ СИЁСИИ ПЕШВОИ МИЛЛАТ». Таҳти чунин унвон конференсияи 4-уми байналмилалии илмӣ-амалӣ доир шуд
БАХШИДА БА РӮЗИ ҶАВОНОНИ ТОҶИКИСТОН. Дар ноҳияи Панҷ бо афсарону сарбозони қисмҳои ҳарбӣ вохӯрӣ доир гардид
Дар Душанбе масъалаи фарогирии умумӣ ба хизматрасонии тандурустӣ баррасӣ гардид