Иштирокдорони ҳамоиш дар Душанбе ҷойгоҳи Айнӣ дар ташаккули мафкураи миллиро баррасӣ намуданд
ДУШАНБЕ, 27.04.2024 /АМИТ «Ховар»/. Саҳми устод Садриддин Айнӣ дар бедории хотираи таърихии миллат беназир буда, осори гаронбаҳои ин шахсияти таърихӣ ҳамчун мероси гаронмоя заминаи ташаккули мафкураи миллӣ гардидааст. Ин нукта дар ҳамоиш таҳти унвони «Осори Садриддин Айнӣ ҳамчун заминагузори мафкураи миллӣ», ки ба бузургдошти Қаҳрамони Тоҷикистон Садриддин Айнӣдар Маркази тадқиқоти стратегии назди Президенти Ҷумҳурии Тоҷикистон бо ташаббуси Шурои олимони ҷавони марказ баргузор гардид, баён карда шуд.
Дар Маркази тадқиқоти стратегии назди Президенти Ҷумҳурии Тоҷикистон ба АМИТ «Ховар» иттилоъ доданд, ки иштирокдорони ҳамоиш доир ба саҳми Устод Садриддин Айнӣ дар рушди афкор ва хушиносии миллати тоҷик сухан намуданд.
Таъкид шуд, ки бо назардошти равандҳои ноустувор дар ҷомеаи он замон саъю талош ва фидокориҳои Айнӣ дар самти худшиносии миллӣ имкон фароҳам овард, ки асолати таърихии миллати тоҷик илман исбот карда шавад. Гуфта шуд, ки Устод Садриддин Айнӣ муборизи роҳи худшиносӣ ва худогоҳии миллӣ буд.
Садриддин Айнӣ дар таърихи фарҳанг ва адабиёти форсу тоҷик на танҳо сардафтари адабиёти муосири тоҷик эътироф мегардад, балки ӯ ҳамчун пешвои мактабҳои маърифативу фикрӣ бунёдгузори равандҳои ҷадиди таҳқиқи мероси ниёгон, муборизи роҳи худшиносиву худогоҳии миллӣ ва таърихшиносу таърихнигорӣ низ шинохта мешавад. Хизматҳои устод Садриддин Айнӣ дар таърихи ташаккули миллати тоҷик дар қарни ХХ ва тақвияти ҷараёнҳои фикриву маънавӣ ва маърифатии халқи тоҷик, таҳкими истиқлолияти давлатии Ҷумҳурии Тоҷикистон ва ташаккули тамаддун ва худшиносии миллӣ арзишманд мебошанд.
Иштирокдорони ҳамоиш дар мавзуи «Саҳми Устод Садриддин Айнӣ дар кашфи зодгоҳи Абуабдуллоҳ Рӯдакӣ» маъруза намуда, иброз доштанд, ки яке аз хизматҳои бузурги Садриддин Айнӣ дар илми рӯдакишиносӣ муайян кардани зодгоҳи аслӣ ва дарёфтани қабри устод Абӯабдуллоҳи Рӯдакӣ мебошад. Устод Айнӣ дар натиҷаи кӯшишу ҷустуҷӯйи зиёд баъди гузашти беш аз ҳазор сол қабри устод Рӯдакиро пайдо кард ва ин кашфиёт аз ҷониби кулли донишмандони ҷаҳон эътироф гардид.
Дар анҷом зимни мубоҳисаи озод иштирокдорони ҳамоиш андешаҳояшонро доир ба саҳми Садриддин Айнӣ дар ташаккули хотираи таърихӣ иброз намуданд.
АКС: Маркази тадқиқоти стратегии назди Президенти Ҷумҳурии Тоҷикистон
Хиёбони Шириншоҳ Шоҳтемури шаҳри Хоруғ чароғон карда шуд
Пагоҳ дар Кумитаи ҳолатҳои фавқулода ва мудофиаи гражданӣ, Агентии суғуртаи иҷтимоӣ ва нафақа, Хадамоти иҷро, Хадамоти зиддиинҳисорӣ ва Маркази тадқиқоти стратегӣ нишасти матбуотӣ баргузор мешавад
ЯКДИЛ БИШАВЕМУ МУЛК ОБОД КУНЕМ. Дар Ҳисор озмуни «Чеҳраи муваффақи диёр» доир мегардад
«Хуш омадед»: SuperApp-ро биомӯз ва соҳиби туҳфаҳо шав!
Имрӯз дар шаҳри Душанбе ҳаво то 41 дараҷа гарм мешавад
Имрӯз дар Кумита оид ба таҳсилоти ибтидоӣ ва миёнаи касбӣ, Кумитаи забон ва истилоҳот, Кумитаи дин, танзими анъана ва ҷашну маросим, Маркази миллии тестӣ, МД «Тоҷикфилм» ва Иттифоқи «Тоҷикматлубот» нишасти матбуотӣ баргузор мешавад
Тоҷикистон ва Чин ҳамкориро дар соҳаи ҳифзи ҳуқуқи инсон ва мубориза бар зидди терроризму экстремизм тақвият медиҳанд
Пагоҳ дар Кумита оид ба таҳсилоти ибтидоӣ ва миёнаи касбӣ, Кумитаи забон ва истилоҳот, Кумитаи дин, танзими анъана ва ҷашну маросим, Маркази миллии тестӣ, МД «Тоҷикфилм» ва Иттифоқи «Тоҷикматлубот» нишасти матбуотӣ баргузор мешавад
Дар шаҳри Бохтар ҳавзи шиноварӣ ба истифода дода шуд
Имрӯз дар баъзе минтақаҳои Тоҷикистон ҳаво то 45 дараҷа гарм мешавад
