МАРОТИБАИ АВВАЛ. Байни тарбиягирандагони муассисаҳои таҳсилоти томактабии Душанбе озмуни забондонӣ идома дорад

Апрель 17, 2024 18:38

ДУШАНБЕ, 17.04.2024. /АМИТ «Ховар»/. Маротибаи аввал байни тарбиятгирандагони муассисаҳои таҳсилоти томактабии шаҳри Душанбе озмуни шаҳрии «Ҷаҳондонӣ аз забондонист» гузаронида мешавад. Озмун дар айни замон ҷараён дошта, ба амалигардонии «Барномаи давлатии рушди таҳсилоти томактабӣ дар Ҷумҳурии Тоҷикистон барои солҳои 2020-2025» ва «Барномаи давлатии такмили таълим ва омўзиши забонҳои русӣ ва англисӣ дар Ҷумҳурии Тоҷикистон барои давраи то соли 2030» бахшида шудааст. Дар ин хусус ба АМИТ «Ховар» сардори Раёсати муассисаҳои томактабӣ ва миёнаи умумии Сарраёсати маорифи шаҳри Душанбе Асомиддин Бобозода хабар дод.

Мақсад аз баргузории озмун ташаккули малакаҳои фаъолияти маърифатӣ, истифодаи бошууронаи калимаву ибораҳои омӯхта ва истифодаи онҳо дар муошират, ташаккули маҳорати бурро, фаҳмо ва ифоданок баён намудани фикр мебошад.

Инчунин озмун бо мақсади омода намудани кӯдакони синни томактабӣ ба таълим дар зинаи аввали таҳсилоти умумӣ ва ташаккули малакаҳои одии фаъолияти таълимӣ дар кӯдакони синни томактабӣ дар азхудкунии забонҳои давлатӣ (тоҷикӣ) ва русиву англисӣ мебошад.

Дар даври шаҳрии озмун 58 кӯдаки гурӯҳи калон ва гурӯҳи омодагӣ ба мактаби муассисаҳои таълимии томактабии (5-7-сола) новобаста аз шакли моликият ва тобеият иштирок менамояд.

Маҳорату истеъдоди иштирокчиёни озмун аз рӯи талаботи зерин муайян карда мешавад:

— қироати шеър ва аз ёд донистани чистон, тезгўяк ва ҳикояҳо бо 3 забон (забонҳои тоҷикӣ, русӣ, англисӣ);

— бо 3 забон (забонҳои тоҷикӣ, русӣ, англисӣ) номбар кардани калимаҳо аз рӯи расмҳои пешниҳодшуда;

— кор бо матн (нақли мазмуни афсонаву ҳикоя бо забонҳои тоҷикӣ, русӣ ва англисӣ аз рӯи расми пешниҳодшуда);

Ғолибони даври якум, дуюм, сеюми озмун ва мураббиёни онҳо, ҳайати ҳакамон ва дастандаркорони озмун аз ҷониби ташкилкунандагони озмун (муассисаҳои таҳсилоти томактабӣ, шуъбаҳои маориф ва Сарраёсати маорифи шаҳри Душанбе) ба таври моддию маънавӣ ҳавасманд гардонида мешаванд.

Ба 15 нафар ғолибони даври сеюми озмун, (панҷгонаи аввал, панҷгонаи дуюм ва панҷгонаи сеюм) Ифтихорномаи Сарраёсати маорифи шаҳри Душанбе, мукофотҳо ва роҳхат барои қабул ба синфи якуми муассисаҳои таълимии типпи нав (литсей ва гимназияҳо) -и аз ҳисоби буҷети ноҳияҳои пойтахт ва шаҳри Душанбе маблағгузоришаванда дода мешавад.

АКС: Маркази матбуоти Сарраёсати маорифи шаҳри Душанбе

Апрель 17, 2024 18:38

Хабарҳои дигари ин бахш

«ҲУНАРМАНДИ ХАЛҚӢ». Навраси тоҷик дар озмуни эҷодиёти умумирусиягӣ ғолиб гардид
Донишкадаи кӯҳию металлургии Тоҷикистон бо 75 корхонаи саноатӣ ҳамкорӣ дорад
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи иқтисод ва хизматрасонии Тирмиз тақвият меёбад
НИШАСТИ МАТБУОТӢ. Дар ноҳияи Рӯдакӣ 79 синфхона ба маблағи беш аз 7 миллион сомонӣ аз ҳисоби аҳолӣ сохта шуд
НИШАСТИ МАТБУОТӢ. Дар Донишгоҳи давлатии тиббии Тоҷикистон 13 лоиҳаи илмӣ татбиқ гардид
Ҷиҳати дарёфти Ҷоизаи ба номи Исмоили Сомонӣ барои олимони ҷавон дар соли 2025 озмун эълон гардид
НИШАСТИ МАТБУОТӢ. Филиали Донишгоҳи давлатии Москва дар Душанбе барои корҳои илмии омӯзгорон аз 20 то 40 ҳазор сомонӣ мукофотпулӣ муқаррар намудааст
НИШАСТИ МАТБУОТӢ. Дар Донишкадаи тиббӣ-иҷтимоии Тоҷикистон 126 донишҷӯи хориҷӣ таҳсил мекунад
Комиссияи олии аттестатсионии Тоҷикистон ба 68 шаҳрванди хориҷӣ дараҷаи илмӣ додааст
Донишгоҳи технологии Тоҷикистон бо муассисаҳои таълимию илмии Фаронса ҳамкориро густариш медиҳад
НИШАСТИ МАТБУОТӢ. Дар Тоҷикистон 6250 нафар дорои дараҷаи илмӣ мебошанд
«ФУРӮҒИ СУБҲИ ДОНОӢ КИТОБ АСТ». Дар Суғд барои дар сатҳи баланд гузаронидани озмун 896 ҳазор сомонӣ ҷудо гардид

Маводҳои таҳлилӣ