Пайрав Воҳидов: «Ҳадафи дастаи мунтахаби Тоҷикистон оид ба футзал ба даст овардани роҳхат ба Ҷоми ҷаҳон аст»
ДУШАНБЕ, 23.04.2024 /АМИТ «Ховар»/. Сармураббии дастаи мунтахаби Тоҷикистон оид ба футзал Пайрав Воҳидов интизориҳояшро аз бозии даври чорякниҳоии Ҷоми Осиё-2024 бо дастаи мунтахаби футзали Афғонистон, ки 24 апрел дар шаҳри Бангкок баргузор мешавад, баён дошт. Дар ин хусус шореҳи варзиши АМИТ «Ховар» бо истинод ба Федератсияи футболи Тоҷикистон хабар медиҳад.
Сармураббии дастаи мунтахаби футзали Тоҷикистон Пайрав Воҳидов, аз ҷумла, гуфт, ки «аз он натиҷае, ки то имрӯз ба даст овардем, фахр мекунем. Мо дар як гурӯҳи қавӣ будем ва бозӣ бо чемпиони феълии Осиё- дастаи мунтхаби Ҷопон хеле душвор буд, аз ин рӯ, мо хеле шодем, ки ба даври чорякниҳоӣ баромадем. Ҳоло мо бо дастаи мунтахаби Афғонистон боз як рақобати душвор дорем. Аз қувваи рақиб огоҳ ҳастем, чанд бор бо ҳамдигар бозӣ кардаем ва медонам, ки ин дастаи пурқувват аст. Онҳоро мешиносем ва онҳо низ моро хуб мешиносанд».
«Ҳадафи аслии мо дар Ҷоми Осиё-2024 то ҳадди имкон пеш рафтан ва соҳиби роҳхат ба Ҷоми ҷаҳон шудан аст. Умедворам, ки мо ба комёбӣ ноил шуда, ба даври нимниҳоӣ мебароем», — гуфт сармураббии дастаи мунтахаби Тоҷикистон оид ба футзал Пайрав Воҳидов қабл аз бозӣ бо дастаи мунтахаби Афғонистон.
АКС: Федератсияи футболи Тоҷикистон
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
Дастаи «Сипар»-и Хуҷанд бори дуюм унвони чемпиони Ҷоми Тоҷикистон оид ба футзалро сазовор гардид
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Президенти Федератсияи футболи Тоҷикистон Рустами Эмомалӣ дар Дарвоз Академияи футболи Вилояти Мухтори Кӯҳистони Бадахшонро ифтитоҳ намуданд
Дар ноҳияи Мир Сайид Алии Ҳамадонӣ Фестивали бозиҳои миллии варзишӣ баргузор гардид
Дар вилояти Суғд ғолибони мусобиқаи вилоятӣ муайян гардиданд
Дастаи мунтахаби духтаронаи Тоҷикистон тими Амороти Муттаҳидаи Арабиро мағлуб намуд
Мусобиқаи байналмилалӣ оид ба камонварӣ ҷамъбаст гардид
Дастаи мунтахаби Тоҷикистон ба садгонаи беҳтаринҳои раддабандии ФИФА ворид шуд
Дастаи мунтахаби футзали Тоҷикистон бо дастаи яккачини Русия бозиҳои дӯстона анҷом медиҳад
