Саидҷамол Алимардонов сазовори Шоҳҷоизаи Мусобиқаи гӯштини миллӣ дар ноҳияи Темурмалик гардид
ДУШАНБЕ, 17.04.2023 /АМИТ «Ховар»/. Бахшида ба Рӯзи ҷавонони Тоҷикистон дар ноҳияи Темурмалики вилояти Хатлон Мусобиқаи гӯштини миллӣ дар сатҳи баланд баргузор гардид, хабар медиҳад шореҳи варзиши АМИТ «Ховар».
Дар мусобиқа паҳлавонони шинохтаи тоҷик Саидҷамол Алиманов, Улуғбек Раҳимов, Ғазалшоҳи Давлатшоҳ, Шакармамад Мирмамадов, Зафар Олимшоев, Субҳиддин Халилзода, Мирзоҷамил Рамазонов, Бачаҷон Қаҳҳоров, Амриҷони Насимҷон, Шаҳриёр Акбарзода, Рашид Зиёбеков, Комрон Карлеков, Ҳайдари Саидкабирзода, Муслимбек Қайюмов ва дигарон иштирок карда, бар ҳарифонашон ҳунар ва маҳорати олии варзишӣ нишон дода, пирӯз гардиданд. Баъди ҳар давр аз ҷониби ташкилкунандагони ин мусобиқаи варзишӣ ба ғолибон дар маросими тантанавӣ туҳфаҳои қиматнок, аз қабили мошинҳои сабукрав, уштур, асп, гов, гӯсфанд, телевизор, мошинаи ҷомашӯӣ, қолин, маблағҳои пулӣ ва ғайра тақдим карда шуд.
Бояд гуфт, ки дар ин мавзеи хушбоду ҳаво барои тамошои мусобиқа ҳаводорони гӯштин бо теъдоди беш аз 20 ҳазор ҷамъ омада, паҳлавонони дӯстоштаашонро аз аввал то охири рақобат мухлисӣ карда, ба ҳунари онҳо каф мекӯбиданд ва аҳсану офарин мехонданд.
Дар ин мусобиқа аз ҷониби ташкилкунандагон Шоҳҷоиза- ду мошини сабукрав гузошта шуда буд. Ҳамин тавр, Саидҷамол Алимардонов аз ноҳияи Темурмалик ва Бачаҷон Қаҳҳоров аз ноҳияи Восеъ байни ҳам рақобати ҷолиб намуданд. Дар ниҳоят бо усули хеле зебо Саидҷамол Алимардонов Бачаҷон Қаҳҳоровро мағлуб намуда, сазовори Шоҳҷоиза- мошини сабукрави тамғаи «Опел вектра» гардид.
Барои Шоҳҷоизаи дуюми мусобиқа ду паҳлавони ҷавони тоҷик- Шаҳриёр Акбарзода аз толори варзишӣ ба номи Садриддин Обидов ва Мирзоҷамил Рамазонов аз толори варзишии Парвиз Собиров рақобат намуданд. Ин паҳлавонон байни ҳам тақрибан як соат гӯштин гирифтанд, вале ғолиб маълум нагардид. Дар охир Шоҳҷоизаи дуюм аз ҷониби ташкилкунандагони мусобиқа ба кормандони ҳифзи ҳуқуқи ноҳияи Темурмалик ҳадя гардид.
Меҳрони ҚУРБОН,
АМИТ «Ховар»
АКС: АМИТ «Ховар»
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
