«ШОҲРОҲИ БУЗУРГИ АБРЕШИМ». Тоҷикистон барои иштирок дар ин намоиши байналмилалӣ омодагии ҷиддӣ мебинад

Апрель 18, 2024 17:41

ДУШАНБЕ, 18.04.2024 /АМИТ «Ховар»/. Масъалаи омодагӣ ва иштирок дар намоиши байналмилалии «Шоҳроҳи Бузурги Абрешим», ки моҳи сентябри имсол дар Британия баргузор мегардад, дар мулоқоти маҷозии директори Осорхонаи миллии Тоҷикистон Зафар Иброҳимзода бо намояндагони Осорхонаи Британия Линдаси Снук ва доктор Ю-пинг Лук баррасӣ гардид.

Назар ба иттилои сардори шуъбаи методӣ ва омода кардани кадрҳои илмии Осорхонаи миллӣ Алишер Зарипов, ҳадафи мулоқот дар сатҳи баланди касбӣ ташкил ва баргузор намудани намоиши байналмилалии «Шоҳроҳи Бузурги Абрешим» буд, ки моҳи сентябри имсол дар осорхонаи Британия гузаронида мешавад.

Мусоҳибон масоили бастубанди нигораҳоро тибқи муқаррароти осорхонавӣ, интиқоли безарари онҳо ба Британияи Кабир ва баргардонидани онҳо, муҳлати баргузории намоиш, омода намудани раводид, қабули даъватномаҳо ва иштироки ҷониби Тоҷикистон дар намоиш, ба имзо расонидани шартномаи ҳамкорӣ байни Осорхонаи миллӣ ва Осорхонаи Британияи Кабир ва дигар паҳлуҳои раванди омодагӣ ба ин намоишро баррасӣ намуданд.

Ҷонибҳо ба хулосае омаданд, ки ёдгориҳои Осорхонаи миллӣ аввали моҳи августи имсол аз ҷониби намояндаи Осорхонаи миллӣ ва ширкати Глобалинк ба Осорхонаи Британияи Кабир интиқол дода мешаванд.

Зафаршо Иброҳимзода таъкид намуд, ки иштироки Осорхонаи миллии Тоҷикистон дар чунин намоиши сатҳи байналмилалӣ мояи ифтихор аст.

АКС: Осорхонаи миллии Тоҷикистон

Апрель 18, 2024 17:41

Хабарҳои дигари ин бахш

Рӯзҳои фарҳанги Тоҷикистон дар Озарбойҷон оғоз мегарданд
«ТОҶИКОНА МЕПӮШЕМ!». Суратгузориш аз ҳамоиш дар шаҳри Ҳисор дар мавзуи «Либос ҳусни инсон аст»
Камол Насрулло: «Имрӯз миллати тоҷик бо эътиқоду эътимоди нав рӯ ба «Шоҳнома» овардааст»
Дар шаҳри Ашқобод муҷассамаи шоири тоҷик Сайидои Насафӣ гузошта шуд
Нақши Медиатекаи Президенти Ҷумҳурии Тоҷикистон дар рақамигардонӣ ва тарғиби санадҳои меъёрию ҳуқуқӣ. Эҳдо ба 30-солагии Конститутсияи Ҷумҳурии Тоҷикистон
Байни «Тоҷикфилм» ва «Сарез Сармоя» шартномаи ҳамкорӣ оид ба таҳияи филми мустанади «Сарез» имзо шуд
«ҲАР ОН КАС, КИ «ШОҲНОМА»-ХОНӢ КУНАД…». Дар Донишгоҳи давлатии Хуҷанд конференсияи байналмилалии илмӣ-амалӣ доир шуд
«Тоҷикфилм» ва Синамогурӯҳи «Ғарб» Ёддошти тафоҳум ба имзо расониданд
18 МАЙ-РӮЗИ БАЙНАЛМИЛАЛИИ ОСОРХОНАҲО. Онҳо ба мардум фароғати фарҳангӣ бахшида, бо таърих ва фарҳанги қадимӣ шинос менамоянд
ОСОРХОНА — ОИНАИ ТАЪРИХИ ХАЛҚ. Эҳдо ба Рӯзи байналмилалии осорхонаҳо
Ҳамкории Академияи миллии илмҳои Тоҷикистон бо муассисаҳои илмии Чин густариш меёбад
Дар Панҷакент Кӯшки суғдӣ кашф гардид