Сомон Турсунзода дар Мусобиқаи байналмилалӣ оид ба ҷудо дар Узбекистон соҳиби ду медал гардид
ДУШАНБЕ, 21.04.2024 /АМИТ «Ховар»/. Дар шаҳри Тошканди Ҷумҳурии Узбекистон Мусобиқаи байналмилалии оид ба гӯштини ҷудо байни наврасон – «TASHKENT OPEN JUDO KIDS CUP II» дар сатҳи баланд баргузор гардид. Дар ин хусус Директори Муассисаи давлатии «Мактаби ҷумҳуриявии маҳорати олии варзишӣ оид ба варзиши сабук» Раҷабалӣ Турсунзода ба шореҳи варзиши АМИТ «Ховар» хабар дод.
Дар мусобиқа 800 варзишгар аз 8 давлат иштирок ва байни ҳам рақобат карданд. Варзишгари навраси тоҷик Сомон Турсунзода, ки дастпарвари «Клуби ҷудои Сомон» аст, дар вазни 26 кг бо шикаст додани 6 рақиб аз давлатҳои Қазоқистон, Қирғизистон, Узбекистон ва Озарбойҷон мақоми сеюмро касб намуд.
Ёдовар мешавем, ки аввали моҳи апрели имсол Сомон Турсунзода дар Мусобиқаи байналмилалӣ оид ба гӯштини ҷудо «Dzyudo Termiz Open 2024» дар шаҳри Тирмизи Ҷумҳурии Узбекистон дар вазни то 26 кг бо мағлуб намудани рақибонашон аз Қазоқистон ва Узбекистон сазовори ҷойи аввал ва медали тилло гардид.
Варзишгари навраси тоҷик Сомон Турсунзода моҳи августи соли 2022 дар Мусобиқаи байналмилалӣ оид ба гӯштини ҷудо байни наврасон, ки дар шаҳри Тарази Ҷумҳурии Қазоқистон баргузор шуда буд, дар вазни то 23 кг медали тилло ба даст оварда буд. Сомон Турсунзода то роҳ ёфтан ба марҳилаи ниҳоӣ варзишгарони Қазоқистон, Узбекистон ва Қирғизистонро мағлуб намуда, соҳиби медали тиллои мусобиқа гардид. Ҳамзамон аз ҷониби ҳайати доварони мусобиқа Сомон Турсунзода барои нишон додани маҳорати баланди техникӣ байни иштирокчиён варзишгари беҳтарин дониста шуда, бо диплом қадрдонӣ гардид.
Бояд ёдовар шуд, ки ин варзишгари наврасу бомаҳорати тоҷик ба синни хурди худ нигоҳ накарда, дар мусобиқаҳои зиёди байналмилалӣ иштирок намуда, Парчами Ҷумҳурии Тоҷикистонро борҳо баланд бардоштааст. Теъдоди медалҳои ӯ дар мусобиқоти ҳам дохилӣ ва ҳам хориҷӣ ба 140 адад мерасад.
АКС аз манбаъҳои боз
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
