«Амонатбонк» меъёри фоизи қарзҳоро аз 2 то 4 банди фоизӣ паст намуд
ДУШАНБЕ, 06.05.2024 /АМИТ «Ховар»/. Корхонаи воҳиди давлатии /КВД/ Бонки амонатгузории Ҷумҳурии Тоҷикистон «Амонатбонк» шуруъ аз моҳи майи имсол меъёри фоизи қарзҳоро аз 2 то 4 банди фоизӣ паст намуд, хабар медиҳад АМИТ «Ховар» бо истинод ба «Амонатбонк».
Ин тадбир бо мақсади иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ва дастгирии кишоварзони мамлакат, рушди соҳаҳои саноат, сохтмон, тиҷорат ва хизматрасонӣ андешида шудааст. Қарз ба соҳаи кишоварзӣ аз 19 то 21 фоизи солона ба муҳлати то 5 сол, ба соҳаи саноат 18 фоизи солона ба муҳлати 5 сол, ба соҳаи сохтмон 20 фоизи солона ба муҳлати 4 сол, ба соҳаи тиҷорат ва хизматрасонӣ бо 22 фоизи солона пешниҳод мегардад. Инчунин меъёри фоизи қарзҳои ипотекӣ низ паст карда шуда, барои харид ва сохтмони манзил 18 фоизи солонаро ташкил медиҳад.
Бояд гуфт, ки «Амонатбонк» соли 2023 аз ҳисоби захираҳои дохилию хориҷӣ ба зиёда аз 53 ҳазор муштарӣ 1 миллиарду 836,2 миллион сомонӣ маблағҳои қарзӣ пешниҳод намудааст. Ҳаҷми қарзҳои пешниҳоднамудаи «Амонатбонк» нисбат ба соли 2022 354 миллион ва ё 24 фоиз афзудааст.
Қарзҳои додаи бонк ба соҳаҳои саноат 20,9 фоиз, кишоварзӣ 19,2 фоиз, истеъмолӣ 30,3 фоиз, сохтмон 12,2 фоиз, тиҷорат 12,5 фоиз, нақлиёт 0,3 фоиз ва хизматрасонӣ 4,6 фоизро ташкил медиҳад.
Сандуқи қарзии «Амонатбонк» 2,2 миллиард сомонӣ ва қарзгирон аз рӯи бақия зиёда аз 62 ҳазор нафарро ташкил медиҳанд, ки нисбат ба соли 2022 ҳаҷми сандуқи қарзӣ 31 фоиз афзудааст.
АКС: «Амонатбонк»
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
