БАХШИДА БА РӮЗИ ҶАҲОНИИ ФУТБОЛ. Дар Ҳисор майдончаи варзишӣ барои бозии футбол ба истифода дода шуд
ДУШАНБЕ, 24.05.2024 /АМИТ «Ховар»/. Бо ибтикори Мақомоти иҷроияи ҳокимияти давлатии шаҳри Ҳисор бахшида ба Рӯзи ҷавонони Тоҷикистон ва Рӯзи ҷаҳонии футбол иҷрокунандаи вазифаи Раиси шаҳри Ҳисор Ҷаббор Носирзода дар деҳаҳои Ҳисор ва Кончии Ҷамоати деҳоти Ҳисор ду иншоот -майдончаи варзишӣ ва нуқтаи тиббиро мавриди баҳрабардорӣ қарор дод.
АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад, ки зимни ифтитоҳи майдончаи варзишӣ барои бозии футбол роҳбарияти шаҳри Ҳисор ба наврасону ҷавонон ва варзишгарон ҳадяҳо, аз ҷумла тӯби футбол тақдим намуданд.
Майдончаи варзишӣ дар деҳаи Ҳисор аз ҷониби соҳибкор Икромиддин Баҳодуров бо маблағи беш аз 400 000 сомонӣ бунёд ёфта, ҷавонону наврасон аз деҳаҳои Ҳисор, Иттифоқ, Гулханӣ, Кончӣ ва дигар деҳаҳои ба он наздик имкон доранд дар он ба варзиш, аз ҷумла бозии футбол машғул шаванд.
Бояд гуфт, ки Рӯзи ҷаҳонии футбол бо ташаббуси Президенти Ассотсиатсияи Футболи Осиёи Марказӣ (CAFA) муҳтарам Рустами Эмомалӣ тавассути қатъномаи Маҷмаи Умумии СММ қабул гардид.
Ҳамчунин дар доираи корҳои ободонию бунёдӣ дар мамлакат дар деҳаи Кончии шаҳри Ҳисор нуқтаи тиббӣ, ки дар доираи ҳамкорӣ ва муносибатҳои дӯстонаи Ҷумҳурии Тоҷикистон бо Давлати Қатар бунёд ёфтааст, ба истифода дода шуд.
АКС: Мақомоти иҷроияи ҳокимияти давлатии шаҳри Ҳисор
Дар Душанбе рӯзи фарҳанги ноҳияҳои Ишкошим ва Мурғоб баргузор шуд
Шурои ҳамоҳангсозии рақамӣ дар соҳаи алоқа таъсис ёфт
Дар вилояти Хатлон қисми бештари кӯдакон аз омодагӣ ба мактаб берун мемонанд
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар Бадахшон беш аз сад корхона ва коргоҳи хурди саноатӣ фаъолият менамояд
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
«ТАБЛИҒГАРОНИ ИСТИҚЛОЛ». Гурӯҳи тарғиботӣ-ташвиқотӣ фаъолияти занони ҳунарманд ва коргоҳҳои истеҳсолиро муаррифӣ менамояд
Сарвари давлат Эмомалӣ Раҳмон Варзишгоҳи миллиро бо 30 ҳазор ҷойи нишаст дар шаҳри Душанбе ифтитоҳ намуданд
АЗ ИСТИҚЛОЛ ТО ИСТИҚЛОЛОФАРӢ. Андешаҳои коршиноси масоили сиёсӣ дар ин маврид
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар вилояти Хатлон беш аз 900 корхонаи саноатӣ фаъолият мекунад
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Ҷумҳурии Тоҷикистон Эмомалӣ Раҳмон дар ноҳияи Файзобод аз намоиши маҳсулоти кишоварзӣ, ҳунарҳои мардумӣ ва таомҳои миллӣ боздид намуданд
