Бар асари гармои шадид дар Бангладеш 10 нафар ҳалок шуд
ДУШАНБЕ, 01.05.2024 /АМИТ «Ховар»/. Ҳафтаи гузашта дар Бангладеш бар асари гармои шадид 10 нафар ҳалок гардид. Тавре АМИТ «Ховар» бо истинод ба ТАСС иттилоъ медиҳад, дар ин хусус рӯзномаи «The Dhaka Tribune» хабар додааст.
Ҳарорат дар 17 минтақаи ин ҷумҳурии Осиёи Ҷанубӣ барои ин мавсим ба ҳадди ниҳоӣ расида, аз 40 дараҷа боло баромада ва дар Дакка он ба 41 дараҷа расидааст. Обуҳавошиносон ҳушдор медиҳанд, ки гармои ғайримуқаррарӣ рӯзҳои наздик идома меёбад.
Вазъияти мураккаби обу ҳаво дар иёлатҳои марказӣ ва ҷанубии Ҳиндустони ҳамсояи Бангладеш низ мушоҳида мешавад. Ҳарорат дар Деҳлии Нав аз меъёр чанд дараҷа зиёд буда, ҳангоми набудани шамол ба 40 дараҷа наздик мешавад. Дар Одиша, Бенгали Ғарбӣ, Биҳор ҳарорати 45 дараҷа сабт шудааст. Дар иёлати ҷанубии Керала ду нафар дар натиҷаи ҳавои гарм фавтиданд.
Мақомот аҳолиро ҳушдор медиҳанд, ки давоми рӯз аз сайругашт дар берун худдорӣ кунанд, оби зиёд нӯшанд ва дар ҳавои гарм аз машқҳои ҷисмонӣ канораҷӯйӣ намоянд.
АКС аз манбаъҳои боз
Тоҷикистонро дар Бозиҳои олимпии Париж 14 варзишгар муаррифӣ менамоянд
МАМЛАКАТИ САБЗ. «Барномаи давлатӣ оид ба кабудизоркунии Ҷумҳурии Тоҷикистон барои давраи то соли 2040» қабул гардид
Дар шаҳри Панҷакент нахустин Маркази сӯзанидӯзӣ ифтитоҳ шуд
Шаҳри бостонии Истаравшан аъзои Шурои ҷаҳонии ҳунармандон мешавад
Китоби «Вожаҳои калидии Чин» нахустин маротиба ба забони тоҷикӣ тарҷума ва нашр гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МАЛАКАИ РОҲБАРӢ». 30 нафар занони болаёқат такмили ихтисос намуданд
Дар шаҳри Истаравшан Фестивали саводнокии молиявӣ доир гардид
Дар Маркази миллии патенту иттилоот бо намояндагони Иттиҳоди Аврупо вохӯрӣ доир гардид
Масъуд Пизишкиён Раиси Ҷумҳурии Исломии Эрон интихоб шуд
Кир Стармер сарвазири нави Британияи Кабир гардид
Муҳандис аз Чин дар бораи бинои нави Ҳукумати Тоҷикистон маълумоти ҷолиб дод
