Дар Душанбе бо мақсади рушди сайёҳӣ, ҳунарҳои мардумӣ ва тақвияти корҳои ободонӣ ҷаласа доир шуд
ДУШАНБЕ, 22.05.2024. /АМИТ «Ховар»/. Имрӯз дар Мақомоти иҷроияи ҳокимияти давлатии шаҳри Душанбе ҷаласаи гурӯҳи кории доимамалкунанда оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ доир карда шуд. Дар ин хусус ба АМИТ «Ховар» дар шуъбаи рушди сайёҳии Мақомоти иҷроияи ҳокимияти давлатии шаҳри Душанбе хабар доданд.
Дар оғози ҷаласа иброз шуд, ки баҳри тақвият бахшидани корҳо дар самти рушди сайёҳӣ ва назорати раванди амалишавии барномаву нақшаҳои бунёди инфрасохтори сайёҳӣ, рушди ҳунарҳои мардумӣ, косибӣ, касбу ҳунаромӯзии шаҳрвандони мамлакат, ташкилу назорати корҳои ободониву сабзазоркунӣ, тозаву озода нигоҳ доштани маҳалҳои аҳолинишин, ҳифзи табиат, истифодаи самараноки заминҳои президентӣ ва наздиҳавлигӣ, ташкили фаъолияти маҳаллу растаҳо ва гӯшаҳои ҳунармандӣ дар шаҳру ноҳияҳо бо амри Президенти Ҷумҳурии Тоҷикистон аз 31 марти соли 2024 гурӯҳи кории ҷумҳуриявӣ таъсис дода шуд.
Бо мақсади иҷрои муқаррароти амри Президенти Ҷумҳурии Тоҷикистон аз 31 явари соли 2024 ва татбиқи ҳадафҳои дар боло гуфташуда бо қарори дахлдори Раиси шаҳри Душанбе аз 19 феврали соли 2024 гурӯҳи кории доимамалкунанда оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ дар Мақомоти иҷроияи ҳокимияти давлатии шаҳри Душанбе таъсис дода шуд.
Ҳадаф аз таъсиси гурӯҳи кории доимамалкунанда самаранок ба роҳ мондани корҳо дар самти рушди сайёҳӣ, ҳунарҳои мардумӣ ва тақвияти корҳои ободонӣ дар пойтахти мамлакат ба ҳисоб меравад.
Таъкид гардид, ки дар асоси қарори дахлдори раисони ноҳияҳои шаҳри Душанбе гурӯҳҳои кории доимамалкунанда оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ дар сатҳи ноҳияҳои пойтахт низ таъсис дода шудаанд.
Инчунин зимни ҷаласа лоиҳаи Нақшаи чорабиниҳои гурӯҳи кории доимамалкунанда оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ дар шаҳри Душанбе мавриди баррасӣ қарор дода шуда, доир ба он аз ҷониби иштирокдорон таклифҳои судманд пешниҳод гардиданд.
АКС: Мақомоти иҷроияи ҳокимияти давлатии шаҳри Душанбе
Байни Тоҷикистон ва Қирғизистон оид ба рушди соҳаи сайёҳӣ Созишнома ба имзо расид
Дар баъзе аз кӯчаҳои пойтахт ҳаракати воситаҳои нақлиёт муваққатан қатъ карда мешавад
Имсол ба вилояти Хатлон беш аз ним миллион сайёҳ ворид гардидааст
DITE-2025. Бо ташаббуси Рустами Эмомалӣ Душанбе ба маркази сайёҳии минтақа табдил меёбад
Байни ширкатҳои сайёҳии Тоҷикистон ва Қирғизистон 9 санади ҳамкорӣ ба имзо расид
Дар Душанбе 37 фоизи кӯдакони синни томактабӣ ба таълиму тарбияи аввалия фаро гирифта шудаанд
15 июл иҷлосияи дуюми Маҷлиси вакилони халқи шаҳри Душанбе, даъвати ҳафтум баргузор мегардад
Мавзеъҳои таърихӣ ва сайёҳии ноҳияи Дарвозро наздики 5000 сайёҳи дохиливу хориҷӣ тамошо намуданд
ТАЪТИЛИ БОФАРОҒАТ. Дар Душанбе 47 майдончаи тандурустиву солимгардонӣ ташкил гардидааст
ҶОМИ РАИСИ ШАҲРИ ДУШАНБЕ. Мусобиқаи футболи хурд байни кормандони вазорату идораҳо ҷамъбаст шуд
Дар Литсейи касбии дӯзандагии шаҳри Душанбе Маркази нави таълимию истеҳсолӣ таъсис дода мешавад
Иҷлосияи дуюми Маҷлиси вакилони халқи шаҳри Душанбе, даъвати ҳафтум баргузор мегардад
