Дар Муъминобод корҳои тарғиботӣ оид ба баланд бардоштани маърифати молиявӣ тақвият дода мешаванд
ДУШАНБЕ, 05.05.2024 /АМИТ «Ховар»/. Дар доираи Ҳафтаи байналмилалии молиявӣ (Global Money Week) аз ҷониби мутахассисони Корхонаи воҳиди давлатии /КВД/ Бонки амонатгузории Ҷумҳурии Тоҷикистон «Амонатбонк» дар маркази савдои ноҳияи Муъминобод бо мақсади баланд бардоштани маърифати молиявии фурӯшандагон ва муштариён корҳои ташвиқотиву тарғиботӣ гузаронида шуданд, хабар медиҳад АМИТ «Ховар» бо истинод ба «Амонатбонк».
Ба фурӯшандагон ва харидорон оид ба хизматрасонии бонкӣ, алалхусус афзалияти пардохти хизматрасонӣ ба таври ғайринақдӣ, истифодаи кортҳо, пос терминалҳо, замимаи барномаи «Амонат-мобайл», қарзҳои имтиёзнок ва пасандозҳо маълумот дода шуд.
Гуфта шуд, ки моҳи июни соли 2023 Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» ба тасвиб расид. Тибқи он аз 1 августи соли 2023 пардохти андозҳо, боҷҳои давлатӣ барои додани иҷозат ва иҷозатномаҳо, пардохтҳои дигари ҳатмӣ ба буҷет, ҷаримаҳо, маблағи суғуртаи ҳатмии давлатӣ, хизматрасонии тиббӣ, хизматрасонии коммуналӣ, намудҳои дигари хизматрасонии давлатӣ, инчунин қабули маблағҳо аз ҷониби вазорату идораҳо ва ташкилоти давлатӣ ба тариқи ғайринақдӣ амалӣ карда мешавад.
АКС: «Амонатбонк»
Дар нимсолаи якуми соли 2026 қурби расмии доллари амрикоӣ нисбат ба сомонӣ 0,17 фоиз баланд шуд
ҚУРБИ АСЪОР: 1 рубли русӣ аз 0.1080 то 0.1195 сомонӣ муқаррар шудааст
Ҳаҷми дороиҳо, уҳдадориҳо ва сармояи ташкилоти қарзии молиявӣ зиёд гардидааст
Дар нимсолаи якуми соли 2026 дороиҳои «Саноатсодиротбонк» 1,3 миллиард сомониро ташкил дод
«Амонатбонк» ба 143 муштарӣ дар ҳаҷми 8,5 миллион сомонӣ қарзи ипотекӣ пешниҳод намуд
«Амонатбонк» ба муштариён хизматрасонии нави қарзии рақамии онлайнӣ пешниҳод намуд
Дороиҳои «Амонатбонк» 13 миллиард сомониро ташкил дода, сармояи бонк ба 1,2 миллиард сомонӣ расидааст
