Дар Мусобиқаи 2-юми ҷаҳонии интихобии олимпӣ оид ба бокс дар Тайиланд нуҳ варзишгари тоҷик иштирок менамоянд

ДУШАНБЕ, 19.05.2024. /АМИТ «Ховар»/. Аз 26 май то 2 июн дар шаҳри Бангкоки Тайиланд Мусобиқаи 2-юми ҷаҳонии интихобии олимпӣ оид ба бокс баргузор мешавад. Дар ин хусус шореҳи варзиши АМИТ «Ховар» бо истинод ба Федератсияи бокси Тоҷикистон хабар медиҳад.

Федератсияи бокси Тоҷикистон дастаи мунтахабро пурра ба Тайиланд ҷалб менамояд. Бояд гуфт, ки ин охирин мусобиқаи ҷаҳонии интихобии олимпӣ маҳсуб мешавад.

Феълан Тоҷикистон се роҳхати олимпӣ: Миҷгона Самадова дар вазни 57 кг, Давлат Болтаев дар вазни 92 кг ва Баҳодур Усмонов дар вазни 63,5 кг дар риштаи бокс дорад.

Хотиррасон менамоем, ки ҳайати дастаи мунтахаби Тоҷикистон оид ба бокс дар ин мусобиқа чунин аст: Рӯҳафзо Ҳақназарова дар вазни 50 кг, Фотима Бегмуродова дар вазни 54 кг, Нилуфар Бобоёрова дар вазни 63 кг,Шоира Зулқайнарова дар вазни 66 кг, Меҳрон Шафиев дар вазни 51 кг, Асрор Воҳидов дар вазни 57 кг, Шамшер Саидов дар вазни 71 кг, Некрӯз Салимов дар варзиш 80 кг ва Муҳаммад Аброриддинов дар вазни +92 кг.

Мураббиҳои ҳайати дастаи мунтахаби Тоҷикистон оид ба бокс дар ин мусобиқа Алӣ Бобоҷонов, Рустам Музаффаров ва Муҳаммадҷон Тошохунов мебошанд.

АКС аз бойгонӣ