Даъвати баҳории шаҳрвандон ба сафи Қувваҳои Мусаллаҳи Тоҷикистон то охири моҳи май идома меёбад
ДУШАНБЕ, 16.05.2024 /АМИТ «Ховар»/. Бо гузаштани 45 рӯз аз оғози даъвату гусели шаҳрвандон ба хизмати ҳатмии ҳарбӣ мақомоти масъули комиссияҳои вобастаи давлатии даъват дар 47 шаҳру ноҳияҳои мамлакат оид ба иҷрои пурраи нақшаи даъвати ҷавонписарон ба сафи Қувваҳои Мусаллаҳи Ҷумҳурии Тоҷикистон гузориш доданд. Дар ин хусус ба АМИТ «Ховар» дар хадамоти матуботи Вазорати мудофиаи Тоҷикистон иттилоъ дода шуд.
Ба ҳамин тартиб, Вилояти Мухтори Кӯҳистони Бадахшон, ноҳияҳои Шоҳмансур, Фирдавсӣ, Сомонӣ ва Синои шаҳри Душанбе, шаҳру навоҳии вилояти Хатлон нақшаи ҷалби даъвати шаҳрвандонро ба хизмати ҳатмии ҳарбӣ пурра иҷро намуданд.
Дар умум, иҷрои нақша дар шаҳру ноҳияҳои тобеи ҷумҳурӣ ба 88 фоиз баробар мебошад. Тавре АМИТ «Ховар» қаблан иттилоъ дод, ноҳияҳои Рашт, Сангвор, Лахш, Нуробод, Тоҷикобод, Файзобод, шаҳрҳои Роғуну Турсунзода дар рӯзҳои нахустини даъвати баҳории шаҳрвандон ба хизмати аскарӣ аз анҷоми даъвату гусели сарбозони ояндаи Ватан гузориш доданд.
Аз оғози даъвати навбатӣ нақшаи иҷрогардида дар вилояти Суғд 67 фоизро ташкил медиҳад. Мақомоти вобастаи комиссияҳои давлатии даъват дар шаҳрҳои Панҷакенту Бӯстони вилояти Суғд иҷрои ин чорабинии муҳимро пурра ба анҷом расониданд.
Бояд гуфт, ки кори комиссияҳои давлатии вобаста ба даъват дар тамоми шаҳру ноҳияҳои ҷумҳурӣ то охири моҳи май идома меёбад.
АКС аз бойгонӣ
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
