Директори идории ХБА Кристалина Георгиева: «Орзу дорам, ки ормони тоҷикон оид ба пурра ба кор даромадани НБО «Роғун» ҳарчӣ зудтар амалӣ гардад»
ДУШАНБЕ, 17.05.2024 /АМИТ «Ховар»/. Имрӯз пас аз шиносоӣ бо рафти корҳои сохтмони дар иншооти ҳаётан муҳими Тоҷикистон – Неругоҳи барқи обии «Роғун» Директори идории Хазинаи байналмилалии асъор Кристалина Георгиева ба хабарнигорон таасуроти худро баён намуд.
Ӯ аз ҷумла иброз дошт, ки барояш боздид аз яке аз муҳимтарин лоиҳаҳои энергияи «сабз» на танҳо дар Тоҷикистон ва минтақа, балки дар тамоми ҷаҳон бисёр таъсирбахш аст.
«Ман ҳамчун намояндаи ҷомеаи ҷаҳонӣ мехоҳам эҳтироми худро нисбат ба корҳое, ки шумо дар ин ҷо анҷом медиҳед, изҳор намоям. НБО «Роғун» умеду орзуи тоҷикон ба неруи барқи доимӣ, ба рушди устувори иқтисоди кишвар ва умеду орзуи ҳамсоягони Тоҷикистон ба неруи барқи арзон мебошад», — тазаккур дод Кристалина Георгиева.
Директори идории Хазинаи байналмилалии асъор таъкид намуд, ки онҳое, ки дар ин неругоҳ кор мекунанд, қаҳрамонони Ватани худ ҳастанд.
Дар идома номбура ба Президенти Ҷумҳурии Тоҷикистон ва Ҳукумати мамлакат барои талошу меҳнати пайваста ҷиҳати бунёди НБО «Роғун» изҳори эҳтиром намуд.
Ӯ орзу намуд, ки ормони тоҷикон оид ба пурра ба кор даромадани НБО «Роғун» ҳарчӣ зудтар амалӣ гардад»
«Мо барои амалигардонии орзуҳои миллати тоҷик тамоми талошҳоямонро ба харҷ медиҳем», — гуфт дар охир Директори идории Хазинаи байналмилалии асъор Кристалина Георгиева.
АКС: АМИТ «Ховар»
Дар хоҷагии деҳқонии «Ҳолиёр Қурбонов»-и Қубодиён дар 11 гектар меваю зироат парвариш мешавад
РУШДИ ПАРАНДАПАРВАРӢ. Дар Зафаробод сохтмони фабрикаи мурғпарварӣ идома дорад
МАСЛИҲАТИ МУТАХАССИС. Истеъмоли зардолу фаъолияти зеҳнӣ ва хотираро беҳтар мекунад
ИСТИФОДАИ САМАРАНОКИ ЗАМИН. Сокини ноҳияи Панҷ дар 2 гектар гармхонаҳои доимӣ бунёд намудааст
Дар Душанбе дурнамои тақвияти ҳамкории Тоҷикистон бо БАТР баррасӣ гардид
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
