«МАН БА ВАТАН ХИЗМАТ МЕКУНАМ!». Баргузории иқдоми ҷумҳуриявии Кумитаи кор бо ҷавонон ва варзиш сафи ихтиёриёнро зиёд намуд
ДУШАНБЕ, 11.05.2024. /АМИТ «Ховар»/. Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо мақсади ҷалби ҷавонон ба хизмати ҳарбӣ иқдоми ҷумҳуриявии «Ман ба Ватан хизмат мекунам!» идома дорад. Дар ин хусус ба АМИТ «Ховар» дар Кумитаи кор бо ҷавонон ва варзиш хабар доданд.
Баргузории ин ташаббус имкон фароҳам овард, ки сафи ҷавононе, ки ихтиёран ба хизмати ҳарбӣ рафтан мехоҳанд, афзоиш ёбад.
Аз ҷумла, дар ноҳияи Мастчоҳи вилояти Суғд сафи чунин ҷавонон пайваста зиёд мегардад. Абдураҳмон Мирзозода, донишҷӯи соли сеюми Коллеҷи омӯзгории ноҳияи Мастчоҳ аз ҷумлаи чунин ҷавонони ватандӯсте аст, ки бо хоҳиши худ барои хизмат дар сафи Қувваҳои Мусаллаҳи мамлакат омодагӣ гирифт.
Ӯ бо амри дилу виҷдон ҳамроҳ бо падару модар ба комиссариати ҳарбии ноҳия ҳозир шуда, аз муоинаи тиббӣ гузашт.
Зимни суҳбат Абдураҳмон гуфт, ки ин тасмимро худаш гирифт ва падару модараш ӯро дастгирӣ карданд.
«Хизмат дар сафи Қувваҳои Мусаллаҳи Тоҷикистон мояи ифтихор ва шарафи бузург аст. Таъкидҳои пайвастаи Пешвои муаззами миллат муҳтарам Эмомалӣ Раҳмон дар дилам ангеза андохт ва тасмим гирифтам, ки ба хизмати ҳарбӣ равам. Ин тасмимамро ба падару модарам гуфтам ва онҳо хеле хурсанд шуданд. Хизмати ҳарбӣ қарзи шаҳрвандии ҳар яки мо мебошад ва онро бояд ҳар ҷавонмард сарбаландон иҷро кунад»,- иброз медорад Абдураҳмон Мирзозода.
Волидони Абдураҳмон иқдоми ватандӯстонаи писарашонро ҷонибдорӣ намуда, ният доранд дигар писаронашонро низ баъди хатми мактабу донишгоҳ ба хизмати ҳарбӣ равон кунанд.
Воқеан, ин иқдоми ватандӯстони Абдураҳмон Мирзозода барои дигар ҷавонони ноҳияи Мастчоҳ намунаи ибрат ва пайравӣ мебошад.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Табибони Тоҷикистону Чин ҳамкории илмию таълимиро тақвият мебахшанд
Дар ноҳияи Шамсиддини Шоҳин шуъбаи эндовидеоҷарроҳӣ ба истифода дода шуд
Аз 24 то 27 март дар Тоҷикистон ҳавои тағйирёбанда пешгӯӣ шуда, борон меборад
МАСЛИҲАТИ МУТАХАССИС. Сиёҳалафро барои муолиҷаи бемориҳои рӯда ва захми меъда истифода мебаранд
ТАШАББУСИ ШОИСТАИ ИНСОНДӮСТОНАИ ПЕШВОИ МИЛЛАТ. Андешаҳо дар ҳошияи Фармони Президенти Ҷумҳурии Тоҷикистон «Дар бораи бахшиши ҷазои шахсоне, ки ба маҳрум сохтан аз озодӣ маҳкум карда шудаанд»
Имрӯз дар асоси Фармони Президенти Тоҷикистон боз 697 нафар маҳбусон аз муассисаҳои ислоҳии ҷумҳурӣ озод карда шуданд
Пайвандони маҳбусон: «Бахшиши ҷазои маҳкумшудагон намунаи барҷастаи инсондӯстӣ ва меҳру муҳаббати Пешвои миллат нисбат ба мардум мебошад»
Имрӯз дар асоси Фармони Президенти Тоҷикистон 200 нафар маҳбусон аз муассисаҳои ислоҳии ҷумҳурӣ озод карда шуданд
Тоҷикистонро дар рӯзҳои ҷашни Наврӯз чӣ гуна ҳаво интизор аст?
Форуми ҷавонони Тоҷикистон, Узбекистон ва Қирғизистон баргузор гардид
Дар Хуҷанд ҳайати иштирокчиёни Фестивали ҷаҳонии ҷавонон «Navruz Youth World Festival»-ро истиқбол намуданд
Иштирокчиёни Фестивали ҷаҳонии ҷавонон: «Аз истиқболу меҳмоннавозии гарми тоҷикон сарамон ба фалак расид»
