Дар роҳи Душанбе – Чаноқ бинобар корҳои профилактикӣ пардохти ғайринақдӣ муваққатан қатъ мешавад
ДУШАНБЕ, 21.03.2026 /АМИТ «Ховар»/. Аз 22 март дар низоми пардохти ғайринақдии филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон, ки нигоҳдорӣ ва хизматрасонии роҳи мошингарди Душанбе – Чаноқро ба уҳда дорад, корҳои профилактикӣ гузаронида мешаванд.
Тавре аз ширкат ба хабарнигори АМИТ «Ховар» иттилоъ доданд, корҳои мазкур аз соати 23:00-и 22 март то соати 06:00-и 23 март идома ёфта, дар ин фосила пардохти хизматрасонии роҳ тариқи ғайринақдӣ муваққатан қатъ мегардад.
«Аз ронандагон хоҳиш карда мешавад, ки дар ин муддат пардохтро танҳо бо шакли нақдӣ анҷом диҳанд», — таъкид намуданд намояндагони ширкат.
Бояд тазаккур дод, ки мутобиқи Фармони Президенти Ҷумҳурии Тоҷикистон аз 1 августи соли 2023 «Дар бораи тадбирҳои вусъат додани ҳисоббаробаркунии ғайринақдӣ», пардохти як қатор хизматрасониҳои давлатӣ тариқи ғайринақдӣ ба роҳ монда шудааст.
Филиали ширкати мазкур ҷиҳати рушди пардохтҳои ғайринақдӣ, аз ҷумла истифодаи кортҳои пардохтӣ ва технологияҳои RFID (гузариши босуръат бидуни таваққуф), тадбирҳои зарурӣ андешидааст. Ба гуфтаи манбаъ, зиёд шудани шумораи истифодабарандагони чунин хизматрасонӣ ва арзонтар будани тарофаҳо нисбат ба пардохти нақдӣ аз бартариҳои он маҳсуб мешаванд.
Гуфта мешавад, татбиқи чунин низом бо назардошти таҷрибаи байналмилалӣ, коҳиши хароҷоти истифодабарандагон, беҳтарсозии хизматрасонӣ ва ҳифзи муҳити зистро таъмин менамояд.
АКС: Филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон
ЗИМИСТОНГУЗАРОНӢ. Дар Сангвор ситоди ноҳиявӣ оид ба омодагии пурра ба фаслҳои тирамоҳу зимистон таъсис ёфтааст
Дар Москва конгресси 5-уми миллӣ дар соҳаи тиб доир гардид
Дар Ҳисор бахшида ба 32-солагии қабули Конститутсияи Ҷумҳурии Тоҷикистон конференсия доир шуд
Оид ба Конститутсия ва ҷойгоҳи он дар танзими муносибатҳои идоракунии давлатӣ ҳамоиши ҷумҳуриявӣ доир шуд
«КОНСТИТУТСИЯ-КАФИЛИ АДОЛАТИ СУДӢ». Дар Суди Олии иқтисодии Тоҷикистон ҳамоиш доир гардид
Муассисаи «Шабакаи гармидиҳии шаҳри Душанбе»: «Муштариён метавонанд барои ҳалли мушкилот ба рақами кӯтоҳи 14-44 занг зананд»
Доир ба саҳми академик Муҳаммадҷони Шакурӣ дар рушди илму адаб конференсияи илмӣ баргузор шуд
«КОНСТИТУТСИЯ–ПОЙДОРИИ ДАВЛАТИ ҲУҚУҚБУНЁД». Таҳти чунин унвон конференсияи ҷумҳуриявӣ доир гардид
Роҳҳои баланд бардоштани ҳосилнокии зироатро дар шаҳри Кӯлоб баррасӣ намуданд
Дар мавзуи «Конститутсия ва таъмини ҳуқуқ ба озодии эътиқод» конференсияи ҷумҳуриявӣ доир шуд
Дар ҷаласаи Шурои ҷамъиятии Ҷумҳурии Тоҷикистон механизмҳои нави ҳимояи ҳуқуқи муҳоҷирони меҳнатӣ баррасӣ гардид
Бахшида ба Рӯзи Конститутсия дар Кумитаи иҷроияи ҲХДТ дар вилояти Суғд ҳамоиш доир шуд
