Намояндагони Департаменти бехатарии ҷамъиятии шаҳри Шанхайи Чин бо Осорхонаи таърихӣ-кишваршиносии вилояти Хатлон шинос гардиданд

Май 27, 2024 18:38

ДУШАНБЕ, 27.05.2024. /АМИТ «Ховар»/. Ҳайати намояндагони Департаменти бехатарии ҷамъиятии шаҳри Шанхай зимни сафари корӣ дар Осорхонаи таърихӣ-кишваршиносии вилояти Хатлон бо таърих ва фарҳангу маданияти қадимии миллати тоҷик шинос шуд. Дар ин хусус ба АМИТ «Ховар» дар Раёсати Вазорати корҳои дохилии Тоҷикистон дар вилояти Хатлон хабар доданд.

Зимни шиносоӣ бо осорхона диққати ҳайати меҳмононро бозёфтҳои қадимӣ аз «Тахти сангин», «Ҳулбук», «Дайри буддоӣ» ва дигар маконҳои таърихии халқи тоҷик, ки зимни кашфиёти бостоншиносӣ дар қаламрави ҳозираи Ҷумҳурии Тоҷикистон пайдо гардида, далели таъриху тамаддуни қадимии миллати тоҷик мебошанд, ба худ ҷалб намуд.

Ҳайати намояндагони Департаменти бехатарии ҷамъиятии шаҳри Шанхай аз тамошои Осорхонаи таърихӣ-кишваршиносии вилояти Хатлон изҳори хушнудӣ намуда, таассуроти нек бардошт.

Ҳайати намояндагони Департаменти бехатарии ҷамъиятии шаҳри Шанхай ба макони таърихии Дайри буддоии ноҳияи Вахш, ки мавзеи бозёфти бути 12- метра ба ҳисоб меравад, рафта, бо ҷузъиёти таърихии ин макон шинос гардид.

АКС: Раёсати Вазорати корҳои дохилии Тоҷикистон дар вилояти Хатлон

Май 27, 2024 18:38

Хабарҳои дигари ин бахш

27-СОЛАГИИ ВАҲДАТИ МИЛЛӢ. Ба ин муносибат дар Осорхонаи миллӣ гӯшаи доимоамалкунанда ташкил гардидааст
Афсарону сарбозони Гвардияи миллӣ бахшида ба Рӯзи Ваҳдати миллӣ ба тамошои Осорхонаи миллӣ омаданд
«СИ ҶИНПИН ДАР БОРАИ ИДОРАКУНИИ ДАВЛАТӢ». Маҳфили китобдӯстони Тоҷикистону Чин дар Душанбе ба ин мавзуъ бахшида шуд
ТОҶИКИСТОНУ ЧИН – ШАРИКОНИ СТРАТЕГӢ. Дар Академияи миллии илмҳои Тоҷикистон дар ин мавзуъ конференсияи байналмилалӣ баргузор шуд
«ТОҶИКОНА МЕПӮШЕМ!». Бонувони Китобхонаи миллии Тоҷикистон либоси миллиро тарғиб менамоянд
Маҷаллаи «ал-Баён»-и Робитаи адибони Кувайт ашъори шоираи ҷавони тоҷик Сурайё Ҳакимоваро нашр намуд
Мутахассисони соҳаи синамои тоҷик дар Донишкадаи давлатии умумирусиягӣ ба таҳсил фаро гирифта мешаванд
ЧАКАН ДАР ПАРИЖ. Тарроҳи тоҷик рангорангӣ, ғановат ва гуногунии онро дар Ҳафтаи мӯд намоиш медиҳад
Дар Хуҷанд бо иштироки ҳайати занони Чин барномаи фарҳангӣ доир гардид
ҲАФРИЁТИ БОСТОНШИНОСӢ. Аз ёдгории Ҳалқаҷар зевари тиллоӣ кашф гардид
ҚАЛЪАИ ЯМЧУН — ҚАДИМТАРИН ДАР ОСИЁИ МАРКАЗӢ. Ин ёдгории фарҳангӣ дар ҳаҷми 4,2 миллион доллари амрикоӣ навсозӣ мегардад
Китобхонаи миллии Тоҷикистон беш аз 100 асари Пешвои миллатро дар шакли электронӣ мавриди истифодаи умум қарор дод