Сафири ИМА зимни мулоқот дар водии Рашт самтҳои ҳамкории дуҷонибаю имконоти рушдро баррасӣ намуд
ДУШАНБЕ, 03.05.2024. /АМИТ «Ховар»/. Сафири Иёлоти Муттаҳидаи Амрико дар Тоҷикистон Мануэл Микаллер дар водии Рашт бо раисони ноҳияҳои Рашт ва Лахш мулоқот ва самтҳои ҳамкории дуҷонибаю имконоти рушдро баррасӣ намуд. Дар ин хусус ба АМИТ «Ховар» дар Сафорати Иёлоти Муттаҳидаи Амрико дар Тоҷикистон иттилоъ доданд.
Дар ҷараёни сафар Сафир бо намояндаи минтақавии Кумитаи ҳолатҳои фавқулода ва мудофиаи граждании назди Ҳукумати Тоҷикистон мулоқот намуд, то доир ба навъҳои офатҳои табиӣ дар ин водӣ ва ҳамкории Кумита бо ҷамоатҳо маълумот пайдо кунад. Сафир Микаллер зимни ҳар мулоқот оид ба масъалаи беҳбуд бахшидани иқтисоди Тоҷикистон, идора кардани манбаъҳои табиӣ, сайёҳӣ ва омодагиҳо дар ҳолатҳои фавқулода ибрози назар намуд.
Сафир инчунин бо донишҷӯёне, ки тавассути барномаи Сафорат «English Access Microscholarship Program» дар ноҳияҳои Рашт ва Лахш забони англисӣ меомӯзанд, мулоқот карда, бо Маркази амрикоӣ дар Ғарм, ки ба ҷавонони минтақа барномаҳои ройгони таълимии синфӣ ва маҷозӣ пешкаш мекунад, шинос шуд.
Сафир Микаллер бо кори кишоварзон таҳти ҳимояти USAID ва Бунёди Оғохон, ки барои дастрасӣ ба бозорҳои боарзиш дар сардхонаҳо сармоягузорӣ мекунанд, шинос шуд. Ин шабакаи кишоварзон барои таблиғи себ ва нокҳои маъруфи водии Рашт талош мекунад. Сафир Микаллер дар сафар ба Рашт дар деҳаи Ҷарф бо боғбони шинохта Мирзошоҳ Акобиров вохӯрда, бо боғи этноботаникӣ ва осорхонаи хусусии ӯ шинос шуд.
Сафир Микаллер ба водии Камароб рафта, аз манзараи зебои кӯҳҳо ҳаловат бурд.
Дар чорчӯбаи лоиҳаи USAID ва дар ҳамкорӣ бо Агентии хоҷагии ҷангали Тоҷикистон ва Хадамоти хоҷагии ҷангали Амрико сафир бо намояндагони ин хадамот дар Камароб дарахт шинонд.
АКС: Сафорати Иёлоти Муттаҳидаи Амрико дар Тоҷикистон
Омодагӣ ба соли нави хониш дар ҷаласаи Кумита оид ба таҳсилоти ибтидоӣ ва миёнаи касбӣ баррасӣ шуд
Масъалаи ташкили ковишҳои бостоншиносӣ дар мавзеи «Дараи Алмосӣ» баррасӣ гардид
Имрӯз дар ноҳияҳои алоҳидаи кӯҳӣ борони кӯтоҳмуддат меборад
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
