СОЛИ МАЪРИФАТИ ҲУҚУҚӢ. Дар «Тоҷикаэронавигатсия» роҳҳои таҳкими волоияти қонун ва маърифати ҳуқуқӣ баррасӣ гардиданд
ДУШАНБЕ, 11.05.2024 /АМИТ «Ховар»/. Тақвияти волоияти қонун ва баланд бардоштани маърифати ҳуқуқӣ дар ҷомеа яке аз омилҳои асосии пешрафт ва таҳкими пояҳои давлатдорӣ мебошад. Ин нукта дар ҳамоише, ки дар Корхонаи воҳиди давлатии «Тоҷикаэронавигатсия» бо мақсади дар амал татбиқ намудани Фармони Президенти Ҷумҳурии Тоҷикистон дар бораи Соли маърифати ҳуқуқӣ эълон намудани соли 2024 доир гардид, баён шуд.
АМИТ «Ховар» бо истинод ба Корхонаи воҳиди давлатии «Тоҷикаэронавигатсия» иттилоъ медиҳад, ки дар ҳамоиш кормандони корхона, Прокурори нақлиёти Ҷумҳурии Тоҷикистон
Музаффар Юсуфӣ ва намояндаи масъули Вазорати корҳои дохилии мамлакат доир ба таҳкими масъалаҳои волоияти қонун дар ҷомеа, аз байн бурдан ва мубориза бо зуҳуроти номатлуби ҷомеа, ки дар вохӯрии Пешвои миллат бо фаъолони ҷумҳурӣ ва ходимони дин 9 марти имсол матраҳ гардида буданд, ибрози назар намуданд.
Таъкид гардид, ки Пешвои миллат дар ин вохӯрӣ ба муҳимтарин масъалаҳои доғи рӯз дахл намуданд, ки ҳалли онҳо масъулияти бештареро аз ҷомеа ва мақомоти марбутаи мамлакат тақозо менамояд. Такид шуд, ки мубориза бо зуҳуроти номатлуб, аз қабили терроризму ифротгароӣ, роҳ надодан ба исрофкорию худнамоӣ, зоҳирпарастӣ ва рӯ овардан ба фарҳанги ғайр ҳамкории дастҷамъонаи тамоми сохтору мақомот ва дар маҷмуъ ҷомеаро талаб менамояд
Иштирокдорон доир ба нақши қонунҳои миллӣ дар таҳким ва пойдории давлат, ҳифзи сулҳу суботи ҷомеа ва рушду пешрафти он ибрози назар намуда, Соли маърифати ҳуқуқӣ эълон гардидани соли 2024-ро дар мамлакат қадами муассир арзёбӣ намуданд.
Таъкид гардид, ки моҳи декабри соли 2023 Фармони Президенти Ҷумҳурии Тоҷикистон «Дар бораи «Соли маърифати ҳуқуқӣ» эълон намудани соли 2024» ба тасвиб расид. Ҳадафи ин санад баланд бардоштани сатҳи маърифати ҳуқуқии шаҳрвандон, тарғиби арзишҳои демократӣ, тақвияти институти ҳуқуқи инсон, муносибати эҳтиромона бо он, баланд бардоштани мақоми қонун, тарбияи шаҳрвандон дар руҳияи эҳтиром нисбат ба он ва таъмини волоияти қонун, ташаккули низоми устувори рафтори ҳуқуқӣ, оштинопазирӣ нисбат ба ҳама гуна ҳуқуқвайронкунӣ ва ногузир будани масъулияти ҳуқуқӣ, ҳамоҳангсозии фаъолияти тамоми субъектҳои тарғиб ва ташвиқи ҳуқуқӣ, ташкили механизми самараноки ҳамкории давлат ва ниҳодҳои ҷомеаи шаҳрвандӣ дар самти маърифати ҳуқуқии шаҳрвандон мебошад.
АКС: «Тоҷикаэронавигатсия»
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
