Вакилони Парлумони Тоҷикистон дар ҳамоиш оид ба ҳифзи арзишҳои демократӣ дар шаҳри Брюссел иштирок доранд
ДУШАНБЕ, 15.05.2024. /АМИТ «Ховар»/. Аз 14 то 17 май дар шаҳри Брюсел аз ҷониби Маркази Женева оид ба идоракунии бахши амният дар доираи форуми «Ҳамкорӣ барои сулҳ» дар мавзуи «Ҳифзи арзишҳои демократӣ: аҳамияти идоракунии бахши амният ва назорати парлумонӣ» ҳамоиш мегузарад, ки дар кори он вакилони Маҷлиси намояндагони Маҷлиси Олии Ҷумҳурии Тоҷикистон Толибхон Азимзода ва Ҳаёт Одинаев иштирок доранд. Дар ин хусус АМИТ «Ховар» бо истинод ба Маҷлиси намояндагон хабар медиҳад.
Мақсади баргузории ҳамоиш саҳм гузоштан ба равандҳои ислоҳоти бахши амният ва такмили идоракунӣ тавассути таҳкими ҳамкорӣ дар лоиҳаҳои таҳқиқотӣ, барномаҳои табодули таҷриба ва ташаббусҳои омӯзиши коршиносон мебошанд. Ҳадафи Форум тавассути мусоидат ба табодули афкор ва таҷриба баланд бардоштани сатҳи дониш ва огоҳии вакилони парлумон аз кишварҳои Аврупои Шарқӣ, Қафқози Ҷанубӣ ва Осиёи Марказӣ оид ба татбиқи фаъолияти қонунгузорӣ дар бахши амният, инчунин паҳн намудани меъёрҳо ва таҷрибаи пешқадам барои назорати парламентии ин соҳа мебошад.
Дар Форуми парлумонӣ вакилону кормандони парлумонҳои Тоҷикистон, Қирғизистон, Арманистон, Озарбойҷон, Гурҷистон, Молдова ва Украина иштирок доранд.
Фаъолияти Гурӯҳи кории ислоҳоти бахши амният бо дастгирии молиявии Вазорати мудофиа, ҳифзи ҷамъиятӣ ва варзиши Швейтсария амалӣ карда мешавад.
Баргузории ҳамоиш имкон медиҳад, ки дарсҳо, бозёфтҳо ва фаҳмиши коршиносони байналмиллалии амният ва ҳамкорони парлумонии Иттиҳоди Аврупо бо мақсади дастгирии ислоҳоти маҳаллӣ, ки ба таҳкими нақши парламентҳо дар идоракунӣ ва назорати бахши амният нигаронида шудаанд, муҳокима карда шаванд.
АКС: Маҷлиси намояндагони Маҷлиси Олии Ҷумҳурии Тоҷикистон
Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Қирғизистон ба тасвиб расид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир шуд
Файзалӣ Идизода бо Раиси Маҷлиси аш — Шурои Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо муовини якуми Раиси Федератсияи палатаҳои тиҷоратии Шоҳигарии Арабистони Саудӣ вохӯрӣ намуд
Раиси Маҷлиси намояндагони Тоҷикистон бо Раиси Агентии рушди сармоягузории Шоҳигарии Арабистони Саудӣ вохӯрӣ намуд
Дар Донишгоҳи давлатии Хуҷанд вохӯрии вакилони Маҷлиси намояндагон бо устодону донишҷӯён доир гардид
Ба омӯзгорону донишҷӯёни Коллеҷи омӯзгории шаҳри Хуҷанд муҳтавои Паёми Президенти Тоҷикистон расонида шуд
Ба сокинони ноҳияҳои Шамсиддини Шоҳин, Муъминобод ва Ховалинг Паёми Президенти Тоҷикистон шарҳ дода шуд
Раиси Маҷлиси намояндагон Файзалӣ Идизода ба сокинони Рашт нуктаҳои асосии Паёми Президенти Тоҷикистонро шарҳ дод
Дар ноҳияи Шоҳмансури шаҳри Душанбе вохӯрии вакилон бо интихобкунандагон доир шуд
Дар ноҳияи Мастчоҳ вохӯрии вакили Маҷлиси намояндагон бо интихобкунандагон доир шуд
Мулоқоти вакилони Маҷлиси намояндагон бо интихобкунандагон оғоз гардид
