Ҳайати Маҷлиси намояндагони Маҷлиси Олии Ҷумҳурии Тоҷикистон ба Гурҷистон сафар намуд
ДУШАНБЕ, 22.06.2024 /АМИТ «Ховар»/. Аз 17 то 21 июн ҳайати Маҷлиси намояндагон таҳти роҳбарии муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ дар шаҳри Тиблиси Гурҷистон бо сафари корӣ қарор дошт. Дар ин хусус ба АМИТ «Ховар» дар Маҷлиси намояндагони Маҷлиси Олии Ҷумҳурии Тоҷикистон хабар доданд.
Дар ин сафар ҳайати Тоҷикистонро намояндагони ҷавонони мамлакат низ ҳамроҳӣ намуданд. Дар рафти сафар ҳайати Тоҷикистон бо фаъолияти Парламенти Гурҷистон, котиботи ҳуқуқи башари маъмурияти ҳукуматӣ, Агентии ҷавонон, Ассотсиатсияи ҳуқуқшиносони ҷавон, Ассотсиатсияи рушди ҷавонон ва маориф, Шурои миллии ташкилоти ҷавонон, Донишкадаи сиёсии Гурҷистон оид ба баробарии гендерӣ ва пешбурди сиёсати ҷавонон шинос шуд.
Ҳадафи сафар мубодила ва омӯхтани таҷриба оид ба баробарии гендерӣ, баланд бардоштани иқтидори ҷавонон барои пешбурди баробарии гендерӣ дар ҷомеа, инчунин сатҳи огоҳии онҳо оид ба масъалаҳои амнияти гендерӣ ба ҳисоб мерафт.
Муовини Раиси Маҷлиси намояндагони Маҷлиси Олӣ Мавсума Муинӣ бо муовини Раиси Парламенти Гурҷистон Нино Силосани вохӯрӣ намуда, иброз дошт, ки муносибатҳои Тоҷикистону Гурҷистон бар пояи эҳтиром ва ҳамкории мутақобилан судманд асос ёфта, таҳким ва густариши он яке аз муҳимтарин вазифаҳои сиёсати хориҷии Ҷумҳурии Тоҷикистон мебошад.
Дар вохӯрӣ вобаста ба 30-умин солгарди барқарории муносибатҳои дипломатӣ байни Ҷумҳурии Тоҷикистон ва Гурҷистон, ҷонибҳо изҳори умед намуданд, ки гурӯҳҳои дӯстии байнипарлумонӣ барои таҳкими равобити дӯстонаи байни ду давлат дар солҳои минбаъда талош менамоянд.
АКС: Маҷлиси намояндагони Маҷлиси Олии Ҷумҳурии Тоҷикистон
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Президенти Ҷумҳурии Узбекистон Шавкат Мирзиёев Рустами Эмомалиро бо ордени «Барои хизмати фидокорона» сарфароз гардониданд
Мулоқоти Рустами Эмомалӣ бо Президенти Ҷумҳурии Узбекистон Шавкат Мирзиёев
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ аз Маркази тамаддуни исломӣ дар шаҳри Тошканд боздид намуданд
Рустами Эмомалӣ бо Раиси Сенати Олий Мажлиси Ҷумҳурии Узбекистон Танзила Нарбаева мулоқот намуданд
Рустами Эмомалӣ дар Тошканд бо Нақшаи генералии лоиҳаи шаҳрсозии «Тошканди нав» шинос шуданд
Рустами Эмомалӣ дар назди муҷассамаи Истиқлолият дар боғи «Узбекистони Нав» гулчанбар гузоштанд
Сафари расмии Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Ҷумҳурии Узбекистон
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
