Ҷамшед Шоимзода: «Талабот ба об ҳамон тавре меафзояд, ки минтақаи Осиёи Марказӣ бо суръати баланд рушд мекунад»
ДУШАНБЕ, 10.06.2024 /АМИТ «Ховар»/. «Минтақаи Осиёи Марказӣ бо суръати баланд рушд мекунад. Масалан, дар Тоҷикистон давоми 30 сол аҳолӣ ду баробар зиёд шудааст. Мо 5 миллион будем, ҳоло 10 миллион шудем. Талабот ба об низ ҳамчунин меафзояд. Мо метавонем неругоҳҳои барқи обӣ, бодӣ ва офтобӣ бунёд кунем, аммо дарёи нав сохта наметавонем. Ҳамаи мо мефаҳмем, ки об дар ин тараққиёт нақши калидӣ дорад. Мутаассифона, мушкилоти зиёде вобаста ба об вуҷуд доранд, яке аз онҳо, ки ҳоло ҳамаи мо онро эҳсос мекунем- ин тағйирёбии иқлим аст», — гуфт имрӯз зимни ифтитоҳи Форуми III минтақавии созмонҳои ҳавзавӣ муовини аввали Вазири энергетика ва захираҳои оби Ҷумҳурии Тоҷикистон Ҷамшед Шоимзода.
Ба гуфтаи ӯ, таҳқиқот нишон медиҳанд, ки мо тағйирёбии иқлимро тавассути об дар минтақаи худ 84% ва дар сатҳи ҷаҳонӣ 76% эҳсос менамоем.
«Ҳамаи ин ба Ҳадафҳои рушди устувор таъсир мерасонанд, ки барои ноил шудан ба онҳо мо бояд кӯшишҳоямонро беш аз 4 маротиба пурзӯр кунем. Барои ин абзори устувор дар сатҳҳои гуногун ва тасмимҳои фаврӣ зарур ҳастанд», — афзуд ӯ.
Бояд гуфт, ки аз соли 2000 сар карда, давлатҳои Осиёи Марказӣ принсипҳои идоракунии ҳамгироишудаи захираҳои обро ҳамчун равиши банақшагирӣ ва идоракунии миллии захираҳои об ҷорӣ карданд. Давлатҳо ба таъсиси шуроҳои ҳавзавӣ барои ҷалби ҷомеа ва ҷонибҳои манфиатдор ба идоракунии захираҳои об шуруъ кардаанд.
Давлатҳои Осиёи Марказӣ тавонистанд ба фаҳмиши равиш нисбат ба идоракунии ҳавзаҳо ва нақши шуроҳои ҳавзаӣ бирасанд, ки ин сабаби ислоҳоти муҳим дар минтақа гардид.
АКС: АМИТ «Ховар»
Дар Нью-Йорк натиҷаҳои Конфронси чоруми байналмилалӣ оид ба об баррасӣ гардиданд
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ. Расонаҳои байналмилалӣ онро ба таври васеъ инъикос менамоянд
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
