Дар Душанбе Фестивали яхмос ва обҳои ташнагишикан баргузор мегардад
ДУШАНБЕ, 20.06.2024 /АМИТ «Ховар»/. Бо қарори Раиси шаҳри Душанбе муҳтарам Рустами Эмомалӣ дар Душанбе даври шаҳрии Фестивали яхмос ва обҳои ташнагишикан баргузор мегардад. Дар ин хусус АМИТ «Ховар» бо истинод ба шуъбаи иттилоотии дастгоҳи Раиси шаҳри Душанбе хабар медиҳад.
Корхонаю ширкатҳои пойтахт, ки ба истеҳсоли яхмос ва обҳои ташнагишикан машғуланд, маҳсулоти худро дар даври шаҳрии Фестивали яхмос ва обҳои ташнагишикан ба намоиш мегузоранд. Фестивал дар се давр доир гардида, ғолибони он ба даври ҷумҳуриявӣ роҳхат мегиранд.
Бояд гуфт, ки Фестивали мазкурро Вазорати саноат ва технологияҳои нави Ҷумҳурии Тоҷикистон дар якҷоягӣ бо Мақомоти иҷроияи ҳокимияти давлатии шаҳри Душанбе бо мақсади иҷрои «Ҷадвали баргузории фестивал, намоиш, ид ва озмунҳои анъана ва ҳунарҳои мардумӣ дар Ҷумҳурии Тоҷикистон барои соли 2024», ки бо Амри Президенти Ҷумҳурии Тоҷикистон аз 12 декабри соли 2023 тасдиқ шудааст, баргузор менамояд.
Ҳадаф аз баргузории фестивал ин баланд бардоштани иқтидори истеҳсолию саноатӣ, беҳтар намудани сифати маҳсулоти ватанӣ, рушди соҳаи саноати хӯрокворӣ ва содироти ин навъи маҳсулот ба ҳориҷи мамлакат мебошад.
Яхмос — рамзи хушбахтии кӯдакист. Ин ширинии яхбаста ҳамеша барои кӯдакон ва бисёри калонсолон яке аз анвоҳои лазиз ва дӯстдошта буд ва хоҳад монд.
Таърихи ихтирои ин ширинии машҳур аз давраҳои тамаддунҳои қадимтарини Осиё — Чин ва Мовароуннаҳр сарчашма мегирад. Искандари Мақдунӣ, Наполеон ва Ҷорҷ Вашингтон яхмосро меписандиданд ва якчанд нафар барои он гувоҳномаи муаллифӣ (патент) гирифтанд.
Аз рӯи сарчашмаҳо, таърихи яхмос зиёда аз 5000 солро дар бар мегирад. Ҳанӯз 3000 пеш аз милод сарватмандони Чин шириниҳои ба яхмос монанд истеъмол мекарданд. Онҳо барф, ях ва пораи афлесун, лимӯ ва тухми анорро бо ҳам омехта, яхмос омода менамуданд. Ҳатто Императори чинӣ Тангу дастурамали шахсии худро дар бораи тарзи омода намудани яхмос аз ях ва шир таҳия намуда буд. Дастурамал ва тарзу усулҳои омода кардани яхмос махфӣ нигоҳ дошта мешуд ва танҳо он дар асри 11 то мелод ба воситаи китоби «Шикинг» ошкор карда шуд.
АКС: АМИТ «Ховар»
Дар Австрия чойхонаи тоҷикӣ баъд аз таъмиру навсозӣ ба истифода дода шуд
Дар Душанбе даври шаҳрии Фестивали яхмос, дӯғоб, шарбати мева ва обҳои ташнагишикан доир шуд
Иҷлосияи ҳаждаҳуми Маҷлиси вакилони халқи шаҳри Душанбе, даъвати шашум баргузор мегардад
ТАВАҶҶУҲ! Аз 2 то 6 июл дар Душанбе маҳдудияти муваққатии ҳаракати воситаҳои нақлиёт ҷорӣ карда мешавад
35-СОЛАГИИ ИСТИҚЛОЛРО БО ДАСТОВАРДҲОИ БЕНАЗИР ИСТИҚБОЛ МЕГИРЕМ! Ҳамоиши идона дар Мақомоти иҷроияи ҳокимияти давлатии шаҳри Душанбе
Шурои соҳибкорзанони Мақомоти иҷроияи ҳокимияти давлатии шаҳри Душанбе ташкил ва баргузор гардид
МАРҲАМАТ, БА ҶАШНГОҲ! Дар Душанбе барномаҳои фарҳангӣ-фароғатӣ бахшида ба Рӯзи Ваҳдати миллӣ оғоз гардиданд
«ТОҶИКИСТОН ВАТАНИ АЗИЗИ МАН». Дар Душанбе даври шаҳрии озмуни ҷумҳуриявӣ оғоз шуд
ДУШАНБЕ — ШАҲРИ МУОСИР. Суратгузориш аз зебогиҳои пойтахти Тоҷикистон
«ҲУНАР ОМӮЗ…». Дар Душанбе даври шаҳрии озмуни ҷумҳуриявӣ ҷамъбаст гардид
«ҶОМИ РАИСИ ШАҲРИ ДУШАНБЕ». Дар пойтахт мусобиқаи кушод оид ба футболи хурд баргузор мешавад
«ЭКО ТАКСӢ». Дар Душанбе боз як ширкати мусофиркашонӣ ба фаъолият оғоз намуд
