Дар шаҳри Турсунзода ҳамоиши «Корвони зиддимухаддиротӣ – 2024» доир шуд
ДУШАНБЕ, 15.06.2024 /АМИТ «Ховар»/. 13 июн бо ташаббуси Агентии назорати маводи нашъаовари назди Президенти Ҷумҳурии Тоҷикистон дар якҷоягӣ бо Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар шаҳри Турсунзода ҳамоиши «Корвони зиддимухаддиротӣ – 2024» доир гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Турсунзода хабар медиҳад.
Тавре иттилоъ дода шуд, ҳадаф аз баргузории ҳамоиш тарғибу ташвиқи тарзи ҳаёти солим, пешгирӣ ва коҳиш додани сатҳи нашъамандӣ ва ҷалби наврасону ҷавонон ба интихоби тарзи ҳаёти солим мебошад.
Таъкид гардид, ки Агентии назорати маводи нашъаовари назди Президенти Ҷумҳурии Тоҷикистон дар фаъолияти ҳамарӯза дар якҷоягӣ бо дигар мақомоти дахлдори ҷумҳурӣ ва ташкилоти ҷамъиятӣ пайваста чунин чорабиниҳо доир менамояд.
Ин навбат доир ба Соли маърифати ҳуқуқӣ эълон гардидани соли 2024 ва бо мақсади боз ҳам баланд бардоштани сатҳи маълумотнокии аҳолӣ, хусусан ба наврасону ҷавонон фаҳмонидани зарар ва оқибатҳои фоҷеабори истеъмоли маводи нашъаовар, ташвиқу тарғиби тарзи ҳаёти солим тавассути ҳарчи зиёдтар шуғл варзидан ба варзиш, дар маҷмуъ баҳри ҳифзи солимии ҷомеа ҳамоиш доир шуд.
Дар ҳамоиш ғолибони мусобиқаи варзишӣ аз намуди футболи хурд, ки байни ҷавонони шаҳри Турсунзода баргузор шуд, бо туҳфаҳои хотиравӣ қадрдонӣ гардиданд.
АКС: Мақомоти иҷроияи ҳокимияти давлатии шаҳри Турсунзода
Тоҷикистон то соли 2032 ба кишвари тавлидкунандаи энергияи «сабз» табдил хоҳад ёфт
«САЁҲАТ БА ҚАЛБИ АВРУОСИЁ». Иштирокчиёни экспедитсия бо фарҳанг ва анъанаҳои мардуми Қазоқистон шинос шуданд
Дар Донишгоҳи байналмилалии сайёҳӣ ва соҳибкорӣ бахшида ба Рӯзи Ваҳдати миллӣ ҳамоиш баргузор шуд
Барои пешгирии вайроншавии қабати болоии роҳ аз таъсири ҳавои гарм чӣ тадбир андешида мешавад?
Дар лагери «Сарҳадбон» 100 нафар кӯдакон аз оилаҳои хизматчиёни ҳарбӣ ба истироҳат фаро гирифта шуданд
ТИРГОН, ЯЪНЕ, КИ ҚАДРИ ОБ ДОН. Миллате, ки об барояш муқаддас аст
Имрӯз дар шаҳри Душанбе ҳаво то 39 дараҷа гарм мешавад
Имрӯз дар водиҳои Тоҷикистон ҳаво то 40 дараҷа гарм мешавад
Дар 130 муассисаи таълимии ноҳияи Рӯдакӣ беш аз 10 ҳазор наврасон ба истироҳат фаро гирифта шудаанд
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар Душанбе ҳамоиши сиёсӣ-фарҳангӣ таҳти унвони «Пешвои миллат — меъмори Ваҳдат» доир гардид
МЕГАФОН ТОҶИКИСТОН: Дар Санкт –Петербург Созишнома оид ба ҳамкории оператор бо таҳиягари пешбари Русия — Ivideon имзо гардид
