Имрӯз таҳти раёсати Сарвазири Тоҷикистон Қоҳир Расулзода ҷаласаи солонаи саҳмдорони Неругоҳи барқи обии «Роғун» баргузор шуд
ДУШАНБЕ, 21.06.2024 /АМИТ «Ховар»/. Имрӯз таҳти раёсати Сарвазири Ҷумҳурии Тоҷикистон, Раиси Шурои нозирони Ҷамъияти саҳомии кушодаи Неругоҳи барқи обии «Роғун» Қоҳир Расулзода ҷаласаи умумии солонаи саҳмдорони Ҷамъияти саҳомии кушодаи Неругоҳи барқи обии «Роғун» баргузор гардид, хабар медиҳад АМИТ «Ховар».
Дар оғози ҷаласа таваҷҷуҳи ҳозирин ба иҷрои саривақтии супоришҳои Роҳбари давлат, истифодаи пурраи имконияти табиӣ ва афзоиши истеҳсоли «энергияи сабз» аз ҳисоби захираҳои мавҷуда ҷалб карда шуд.
Дар ҷаласа ҳисоботи солона оид ба фаъолияти истеҳсолию молиявӣ ва тафтишотии Ҷамъияти саҳомии кушодаи Неругоҳи барқи обии «Роғун» барои соли 2023 шунида шуда, хулосаи аудиторӣ пешниҳод гардид.
Тавре аз таҳлилҳо бармеояд, соли 2023 дар Неругоҳи барқи обии «Роғун» кор аз рӯи нақша ҷараён гирифта, дар самти иҷрои нишондодҳои нақшавӣ натиҷаҳои зарурӣ ба даст омадаанд. Айни замон бунёди иншооти муҳими аср ба таври шабонарӯзи идома дорад.
Инчунин ҷиҳати зиёд намудани сармояи оинномавӣ, ворид намудани тағйирот ба оиннома ва низомномаи мудирияти истифодабарии Ҷамъияти саҳомии кушодаи Неругоҳи барқи обии «Роғун» хулосаҳои зарурӣ қабул карда шуд.
Аъзои нави Шурои нозирони Ҷамъияти саҳомии кушодаи Неругоҳи барқи обии «Роғун» дар ҳайати 13 нафар, аъзои комиссияи тафтишотӣ, аъзои нави комиссияи баҳисобгирӣ, интихоб ва аудитори Ҷамъияти саҳомии кушодаи Неругоҳи барқи обии «Роғун» барои соли 2024 тасдиқ карда шуд.
Дар ҷаласаи умумии солонаи саҳмдорони Ҷамъияти саҳомии кушодаи Неругоҳи барқи обии «Роғун» дар маҷмуъ 10 масъала баррасӣ ва аз рӯи онҳо қарорҳои дахлдор қабул карда шуд.
АКС: АМИТ «Ховар»
Ангури Тоҷикистон ба вилояти Пензаи Русия содирот гардид
То 60 фоизи маҳсулоти кишоварзии Тоҷикистон дар вилояти Хатлон истеҳсол мегардад
Дар бунёди неругоҳи «Роғун» 20 ҳазор коргарону кормандони муҳандисию техникӣ фаъолият доранд
КИШОВАРЗИИ ТОҶИКИСТОН ДАР 35 СОЛИ ИСТИҚЛОЛИЯТ. Истеҳсоли ғалладонагӣ 6 маротиба зиёд шудааст
Дар даврони соҳибистиқлолии Тоҷикистон 70 корхонаи дорусозӣ ба фаъолият оғоз намуд
Дар Шаҳринав оид ба гузаронидани пайванди дарахтони мевадиҳанда ва зиёд намудани тагпайвандҳо машғулият доир шуд
Шурои ҳамоҳангсозии рақамӣ дар соҳаи алоқа таъсис ёфт
Моҳи сентябри соли 2027 агрегати рақами 4-и неругоҳи «Роғун» ба истифода дода мешавад
Дар ноҳияи Ашт неругоҳи офтобӣ ба истеҳсоли барқ оғоз намуд
Дар Душанбе Форуми байналмилалии «TajTech – 2026» доир мегардад
РУШДИ САНОАТ ДАР 35 СОЛИ ИСТИҚЛОЛИ ТОҶИКИСТОН. Дар Бадахшон беш аз сад корхона ва коргоҳи хурди саноатӣ фаъолият менамояд
Дар Кумитаи бехатарии озуқаворӣ оид ба пешгирӣ ва муқовимат ба коррупсия вохӯрӣ баргузор шуд
