ИСТИФОДАИ САМАРАНОКИ ЗАМИН. Аъзои хоҷагии деҳқонии «Маъруфҷон»-и Ҷамоати деҳоти Чӯянгарони шаҳри Ваҳдат аз як замин чанд ҳосил мерӯёнанд
ВАҲДАТ, 09.06.2024. /АМИТ «Ховар»/. Хоҷагии деҳқонии «Маъруфҷон» дар ҳудуди Ҷамоати деҳоти Чӯянгарони шаҳри Ваҳдат қарор дошта, дорои 9 гектар замини корами обӣ ва 2 гектар замини корами лалмӣ мебошад.
Алӣ Уроқов ба ҳайси деҳқони ботаҷриба дар ин хоҷагии деҳқонӣ кор мекунад. Ӯ гуфт, ки замини хоҷагӣ дар шафати роҳи ҷумҳуриявии Ваҳдат-Ромит қарор дорад, аз ин рӯ кишт намудани бодиринг, помидор, пиёз ва дигар маҳсулоти барвақтӣ фоидаи хуб меорад. Дар айни замон дар заминҳои хоҷагии деҳконии «Маъруфҷон» дар як гектар пиёз, дар 50 садяк помидор, дар 50 садяк картошка ва дар заминҳои боқимонда гандум кишт карда шудааст. Ҳамчунин дар 2 гектар замини корами лалмии хоҷагӣ боғ бунёд карда шудааст, ки дар байни қаторҳои он помидор кишт шудааст.
Алӣ Уроқов иброз дошт, ки «мо дар баробари кишти помидор дар байни қаторҳои он барои намнокии заминро нигоҳ доштан ҷуворимакка коридем. Ҳамчунин дар қисматҳои холии замини помидор имрӯзҳо бодиринг кишт дорем. Пас аз ҷамъоварии гандум боз кишти васеи ҷуворимакка ва дигар намуди сабзавотро мегузаронем».
Деҳқони ботаҷриба Алӣ Уроқов иброз намуд, ки «мутаассифона, имсол бориши зиёд барои гирифтани ҳосили зиёд таъсири бад расонд. Вале мо ба ин нигоҳ накарда, кӯшиш дорем, ки ҳамаи қоидаҳои агротехникиро риоя намуда, ҳосили баланд гирифта, дар таъмини амнияти озуқаворӣ саҳми арзанда гузорем».
Тибқи иттилои муовини раиси Ҷамоати деҳоти Чӯянгарон Эмомалӣ Шаропов, дар ҳудуди ҷамоат 878 гектар замини корам мавҷуд аст, ки аз ин 197 гектарро замини корами лалмӣ, 122 гектарро заминҳои боғ ва 478 гектарро заминҳои корами обӣ ташкил медиҳанд ва онҳо дар истифодаи 618 хоҷагии деҳқонӣ қарор доранд.
Ҳамчунин сокинони ҷамоат имсол дар майдони 81 гектар замини президентӣ ва 234 гектар замини наздиҳавлигӣ зироати гуногун кишт намуданд, ки он таҳти назорати доимии кормандони ҷамоат қарор дорад.
Бояд гуфт, ки заминҳои ҳудуди ҷамоат самаранок истифода мешаванд. Хоҷагиҳои деҳқонии ҷамоат дурнамои кишти ҳамаи намуди маҳсулоти кишоварзиро пурра иҷро намуда, дар таъмини аҳолӣ бо маҳсулоти кишоварзӣ саҳми арзанда мегузоранд.
Субҳониддини МАҲМУД,
АМИТ «Ховар»
АКС: АМИТ «Ховар»
НИШОНИ ҶАВОНМАРДӢ. Дар ҳошияи асари сиёсатшинос, сиёсатмадор, олим ва адиби нуктасанҷ Саймумин Ятимов
Дар Донишгоҳи давлатии молия ва иқтисоди Тоҷикистон оид ба татбиқи технологияҳои рақамӣ дар низоми логистикӣ машварат доир гардид
Имрӯз дар Тоҷикистон борони кӯтоҳмуддат меборад
Дар Данғара даври ноҳиявии Озмуни ҷумҳуриявии ҳарбӣ- варзишии «Ватанпарвар» доир гардид
«Одамон. Идеяҳо. Ҳаракат». Дар Душанбе нахустин форуми таҷрибаҳои идоракунӣ баргузор шуд
Имрӯз дар Тоҷикистон ҳавои тағйирёбандаи бебориш дар назар аст
ТАЪСИРИ ШАБАКАҲОИ ИҶТИМОӢ БА РУҲИЯИ КӮДАКОН. Ва ё «оҳанро дар гармияш бояд кӯфт»
Соли 2025 шаҳрвандон ва соҳибкорон беш аз 6 миллион амалиёти ғайринақдиро анҷом доданд
Имрӯз дар Тоҷикистон ҳаво тағйирёбандаи бебориш мешавад
ҒИЗОИ СОЛИМ. Чӣ тавр аз лӯбиё таом ва ё хӯриш омода намоем?
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
