«МЕПАРАСТАМ НОНИ ГАНДУМ». Дар Тоҷикистон ҷамъоварии ҳосили гандум идома дорад

Июнь 5, 2024 18:10

ДУШАНБЕ, 05.06.2024 /АМИТ «Ховар»/. То охири моҳи майи имсол кишоварзони Тоҷикистон 8839 тонна гандум ҷамъоварӣ  намуданд, иттилоъ доданд ба АМИТ «Ховар» дар Вазорати кишоварзии мамлакат.

Ба иттилои манбаъ, имсол дар мамлакат дар 189 974 гектар гандум кишт гардид, ки то ин муддат 2086 гектари он ҷамъоварӣ шудааст.

Яке аз навъҳои муҳимтарини зироати хӯрокворӣ гандум мебошад. Дони гандум серғизо ва серкалория буда, захираи онро аз ду сол зиёд нигоҳ дошта мешавад.

Бояд гуфт, ки Сарвари давлат пайваста зимни суханрониҳояшон таъкид менамоянд, ки ҳар оилаи тоҷик бояд захираи маҳсулоти хӯроквории худро дошта бошад.

Ба тавсияи олимони соҳаи кишоварзӣ, гандум яке аз маҳсулоти мавриди ниёзи аввал дар Тоҷикистон ба шумор меравад. Зеро тоҷикон бештар маҳсулоти нонӣ истеъмол мекунанд. Аз ин рӯ гандум маҳсулоте аст, ки онро метавон бештар захира намуд.

Тавре Президенти Ҷумҳурии Тоҷикистон муҳтарам Эмомалӣ Раҳмон 25 майи имсол дар мулоқот бо роҳбарон ва фаъолони вилояти Хатлон дар ноҳияи Данғара таъкид намуданд, «шиддат гирифтани ҳолатҳои буҳронӣ дар ҷаҳони имрӯза, аз ҷумла низоъҳои мухталифи минтақавӣ, таҳримҳои иқтисодиву тиҷоратӣ, тағйирёбии иқлим ва оқибатҳои он, аз ҷумла хушксолии пайиҳам моро водор менамоянд, ки барои тобовар гардонидани иқтисоди Тоҷикистон ба таъсири манфии омилҳои берунӣ ва ҳифзи амнияти озуқавории мамлакат аз тамоми иқтидору заҳираҳои мавҷуда самаранок истифода барем».

Дар таркиби дони гандум ба миқдори зиёд сафеда, ангиштоб, равған, намакҳои минералӣ, витамину ферментҳо ва ғайраҳо мавҷуд ҳастанд.

Ба гуфтаи мутахассисон, зиёд гардидани ҳосили гандум аз  кишти саривақтӣ ва истифодаи технологияи парвариши он вобаста мебошад. Барои рӯёнидани ҳосили баланди ғалладонагӣ истифода ва риоя кардани қоидаҳои кишоварзӣ (агротехникӣ) аҳамияти калон дорад. Яке аз шартҳои асосӣ коштани тухмии хушсифату яккачини навъҳои серҳосилу ба касалиҳо тобовар ба ҳисоб меравад. Мувофиқ будани иқлими макони кишт, босифат гузаронидани шудгор, аз алафҳои бегона тоза кардани замин, сари вақт бурдани мубориза бар зидди ҳашароти зараррасон ба ҳосили дон ҳосил зам менамояд.

 АКС аз манбаъҳои боз

Июнь 5, 2024 18:10

Хабарҳои дигари ин бахш

Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Нақши занони тоҷик дар таҳкими давлатдории миллӣ назаррас аст
Дар остонаи ҷашни Истиқлоли давлатӣ ҳашари экологии «Тозагии соҳил» гузаронида шуд
Имрӯз дар водиҳои Тоҷикистон ҳаво то 39 дараҷа гарм мешавад
Дар Донишгоҳи миллии Тоҷикистон ҳамоиши ҷумҳуриявӣ баргузор шуд
Имрӯз аз нашри нахустин шумораи маҷаллаи «Бонувони Тоҷикистон» 19 сол сипарӣ гардид
ИСТИҚЛОЛИ ДАВЛАТӢ — ВОСИТАИ МУАССИРИ ЭЪТИРОФ. Барои ҳар шахси озодихоҳ неъмате муқаддастар аз он нест
Имрӯз дар ноҳияҳои алоҳидаи Тоҷикистон чангу ғубор ба амал меояд
Бахшида ба Истиқлоли Тоҷикистон ҳамоиши кормандони соҳаи таҳсилоти ибтидоӣ ва миёнаи касбӣ доир шуд
ТАНТАНАҲОИ ҶАШНИ ИСТИҚЛОЛИЯТ. Дар шаҳру ноҳияҳои мамлакат барномаҳои фарҳангӣ доир мегарданд
«МегаФон Life» – доимо дар алоқа, ҳатто вақте ки паёмрасонҳои муқаррарӣ дастнорасанд
Имрӯз дар шаҳри Душанбе ҳаво то 36 дараҷа гарм мешавад