Мудири кулли ЮНЕСКО Одри Азуле: «Мо ба ташаббусҳои Тоҷикистон дар самти обу пиряхҳо баҳои баланд медиҳем»
ДУШАНБЕ, 10.06.2024. /АМИТ «Ховар»/. 10 июн Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Мудири кулли Созмони Милали Муттаҳид оид ба масоили маориф, илм ва фарҳанг (ЮНЕСКО) Одри Азулеро ба ҳузур пазируфтанд, хабар медиҳад мухбири АМИТ «Ховар».
Одри Азуле пас аз мулоқот барои гурӯҳи хабарнигорони дохилию хориҷӣ нишасти хабарӣ орост.
Дар оғоз ӯ ба Президенти Ҷумҳурии Тоҷикистон муҳтарам Эмомалӣ Раҳмон барои давъват ва мулоқот изҳори сипос намуд.
Зимни мулоқот оид ба муҳтавои ғании муносибатҳои гуногунҷабҳаи Тоҷикистон бо ЮНЕСКО, бахусус дар бахшҳои илму фарҳанг таъкид гардид.
«Ман уҳдадориҳо ва ташаббусҳои неки Тоҷикистонро дар соҳаи обу пиряхҳо, аз ҷумла баргузории Конференсияи сеюми байналмилалӣ оид ба Даҳсолаи байналмилалии амал «Об барои рушди устувор, солҳои 2018-2028»-ро дар шаҳри Душанбе истиқбол намуда, ба онҳо баҳои баланд медиҳам», — тазаккур дод Мудири кулли ЮНЕСКО Одри Азуле.
Ба таъкиди ӯ, дар мулоқот инчунин лоиҳаи ЮНЕСКО дар бораи «Коҳиш додани осебпазирии аҳолӣ дар Осиёи Марказӣ рӯ ба рӯи хатари обшавии пиряхҳо», ки метавонад ба аҳолӣ таъсири манфӣ расонад, баррасӣ гардид.
«Мо яке аз самтҳои муҳими ҳамкории Тоҷикистон ва ЮНЕСКО-ро дар соҳаи ҳифзи мероси бойи табиӣ ва фарҳангӣ муҳокима намудем. Мо бо вазирони фарҳанг ва корҳои хориҷии Ҷумҳурии Тоҷикистон низ оид ба ворид намудани номинаҳои нави ҷониби Тоҷикистон ба феҳрести мероси ҷаҳонии ЮНЕСКО суҳбат намудем», — гуфт дар анҷом Мудири кулли ЮНЕСКО Одри Азуле.
Ёдовар мешавем, ки Мудири кулли ЮНЕСКО Одри Азуле барои иштирок дар Конфронси сеюми байналмилалӣ оид ба Даҳсолаи байналмилалии амал «Об барои рушди устувор, солҳои 2018-2028», ки 10-13 июн дар пойтахти Ҷумҳурии Тоҷикистон баргузор мешавад, ба Душанбе ташриф овардааст.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
