ОБОДИИ МАҲАЛ. Роҳи шаҳраки Консойи шаҳри Гулистон навсозӣ мешавад
ДУШАНБЕ, 14.06.2024 /АМИТ «Ховар»/. Роҳи шаҳраки Консойи шаҳри Гулистон ба масофаи наздики 7 км навсозӣ мешавад, иттилоъ медиҳад АМИТ «Ховар» бо истинод ба Хадамоти матбуоти Раиси вилояти Суғд.
Роҳи мазкур аз ҷониби корхонаи «Апрелевка» ва бо саҳмгузории сокинон ба таъмири ҷорӣ фаро гирифта шуда, бо ин мақсад техникаҳои роҳсозӣ ҷалб гардидаанд. Аз тарафи мутахассисони ҶДММ «Хуҷандроҳ» зиёда аз 5000 метри мураббаи ин роҳ асфалтпӯш карда мешавад.
Дар маросими оғози корҳои таъмиру тармими роҳи асосии шаҳраки мазкур Раиси вилояти Суғд Раҷаббой Аҳмадзода иштирок намуда, иброз дошт, ки дар асоси дастуру супоришҳои Президенти мамлакат муҳтарам Эмомалӣ Раҳмон бо мақсади истиқболи сазовори ҷашни 35-солагии Истиқлоли давлатии Ҷумҳурии Тоҷикистон корҳои ободонию созандагӣ дар вилоят вусъат мегиранд.
Раиси вилоят хотиррасон шуд, ки дар ҳудуди вилоят бахшида ба ин ҷашни фархундаи миллӣ садҳо иншооти соҳаи иҷтимоӣ, аз ҷумла мактабу кӯдакистон, беморхонаю бунгоҳҳои тиббӣ бунёд ёфта, роҳҳои дорои аҳамияти ҷумҳуривӣ ва маҳаллидошта таъмиру навсозӣ мегарданд.
Дар Ҷамоати шаҳраки Консой зиёда аз 6 ҳазор нафар зиндагӣ дошта, сокинони он дар ҳамбастагиву муттаҳидӣ баҳри ободонии маҳали хеш талош намуда, мехоҳанд дар пешрафти Ватан — Тоҷикистони азиз саҳми худро гузоранд.
АКС: Хадамоти матбуоти Раиси вилояти Суғд
Роҳи ҷумҳуриявии Душанбе-Шарора-Ҳисор пурра мумфарш карда шуд
Президенти Ҷумҳурии Тоҷикистон Эмомалӣ Раҳмон дар ноҳияи Рӯдакӣ 20 иншоотро ба таври фосилавӣ мавриди истифода қарор доданд
Пешвои миллат Эмомалӣ Раҳмон дар ноҳияи Рӯдакӣ бинои нави Қасри фарҳанги ба номи Кароматулло Қурбоновро ифтитоҳ намуданд
Сарвари давлат Эмомалӣ Раҳмон бинои нави раёсати маорифи ноҳияи Рӯдакиро мавриди истифода қарор доданд
Дар Панҷакент иншооти иҷтимоӣ ва хизматрасонӣ ифтитоҳ гардиданд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
