РАВАНДИ ОБИ ДУШАНБЕ. Дар Душанбе Форуми оби Африқо баргузор гардид
ДУШАНБЕ, 10.06.2024 /АМИТ «Ховар»/. Нимаи дуюми рӯз дар Китобхонаи миллии Тоҷикистон Форуми оби Африқо баргузор гардид, иттилоъ медиҳад мухбири АМИТ «Ховар».
Форумро муовини Вазири корҳои хориҷии Ҷумҳурии Тоҷикистон Фаррух Шарифзода ифтитоҳ намуда, иброз дошт, ки «Форуми оби Африқо барои баррасии таҳлили пешрафт дар татбиқи мавқеи умумии Африқо ва паёмҳои калидӣ дар Конфронси обии Созмони Милали Муттаҳид дар соли 2023 пазируфта шудааст».
Форум аз ҷониби Комиссияи Иттиҳоди Африқо, Шурои вазирони захираҳои оби Африқо, Ҷумҳурии Арабии Миср ва Ҷумҳурии Сенегал бо мақсади баррасии пешрафт дар татбиқи мавқеи умумии Африқо ва пайомадҳои калидии он дар Конфронси оби Созмони Милали Муттаҳид дар соли 2023 дар доираи Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 баргузор карда шуд.
Бояд гуфт, ки Форуми оби Африқо ба ҷонибҳои манфиатдор имкон фароҳам меорад, ки корҳои нотамомро муайян ва ҳамчунин мавзуъҳои навро дар масъалаи об ва беҳдошт дар Африқо таҳия намоянд. Дар форум ҳамзамон барои таҳияи Санади консептуалии оби Африқо барои пас аз соли 2025, ки ба эҳтиёҷоти воқеии Африқо ҷавобгӯ буда, мусоидат мекунад, муҳокима карда шуд.
Ёдовар мешавем, ки ҳадафи ниҳоии форум ҳамгироии унсурҳои Даҳсолаи амал оид ба об дар рӯзномаи баъдӣ дар давраи пас аз соли 2025 барои татбиқи ҳамоҳангшуда ва идоракунии самараноки захираҳо мебошад.
АКС: АМИТ «Ховар»
Тоҷикистон то имрӯз ба 11 конвенсияи байналмилалии муҳитизистӣ ҳамроҳ шудааст
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
Президенти Ҷумҳурии Тоҷикистон Эмомалӣ Раҳмон дар Ҳамоиши Роҳбарон оид ба гуногунии биологӣ иштирок намуданд
ҲИФЗИ ПИРЯХҲО. Коҳиши пиряхҳои ҳавзаи Зарафшон метавонад ба амнияти экологии Осиёи Марказӣ таъсир расонад
АЗ ДИПЛОМАТИЯИ ОБ ТО ДИПЛОМАТИЯИ ПИРЯХҲО. Андешаҳо оид ба ташаббусҳои Президенти Тоҷикистон дар даврони истиқлолият
Сафири Тоҷикистон дар Австрия дар Симпозиуми байналмилалии об иштирок намуд
Сироҷиддин Муҳриддин бо иҷрокунандаи вазифаи муовини Дабири кулли ЮНЕСКО оид ба илмҳои табиӣ мулоқот намуд
Ҳайати Тоҷикистон дар чорабинии сатҳи баланд: «Муттаҳидӣ ба хотири об: даъват ба амали дастҷамъӣ» иштирок намуд
Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
Сироҷиддин Муҳриддин нақши фаъоли Тоҷикистонро дар доираи СММ ва саҳми ташаббусҳои байналмилалӣ таъкид намуд
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
«РАВАНДИ ОБИ ДУШАНБЕ». Барои Тоҷикистон ин дастоварди дипломатӣ ва масъулияти бузург аст
