РАВАНДИ ОБИ ДУШАНБЕ. Таҳти раёсати Сарвазири Тоҷикистон Қоҳир Расулзода ҷаласаи хотимавии Конфронси сеюми байналмилалии сатҳи баланд доир гардид
ДУШАНБЕ, 12.06.2024 /АМИТ «Ховар»/. Имрӯз таҳти раёсати Сарвазири Ҷумҳурии Тоҷикистон Қоҳир Расулзода, муовини Дабири кулли Созмони Милали Муттаҳид Ли Ҷунҳуа ва намояндагони давлатҳои иштирокчии Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» чорабинии хотимавӣ баргузор гардид, хабар медиҳад АМИТ «Ховар».
Дар чорабинии хотимавӣ мавзӯъҳои давоми чанд рӯз дар ҳошияи конфронс мавриди таҳлил қарор гирифта, аз моҳияти он натиҷагирӣ карда шуд.
Таҳлилгарону коршиносон, ки ҷиҳати иштирок дар ин чорабинии сатҳи баланд ба Душанбе ташриф овардаанд, аҳамияти ташаббусҳои ҷаҳонии Президенти Ҷумҳурии Тоҷикистон муҳтарам Эмомалӣ Раҳмонро дар соҳаи обу иқлим ва ҳифзи пиряхҳо саривақти арзёбӣ намуда, дурнамои рушди онҳоро барои ҷомеаи ҷаҳонӣ натиҷабахш маънидод намуданд.
Қоҳир Расулзода таъкид кард, ки Конфронси сеюми Душанбе платформаи муттаҳидсозӣ ва дарёфти иттилооти зарурӣ оид ба об гардида, низомеро таҳия хоҳад кард, ки ҳукуматҳо, Созмони Милали Муттаҳид ва дигар шарикон нақшаву ҳадафҳои неки худро тавассути он амалӣ хоҳанд намуд.
Конфронс аз ҷониби Ҳукумати Ҷумҳурии Тоҷикистон дар Ҳамкорӣ бо Созмони Милали Муттаҳид ва дигар шарикон ташкил гардида, он ба Конфронси Созмони Милали Муттаҳид оид ба баррасии миёнамуҳлати Даҳсолаи об, ки 22-24 марти соли 2023 дар шаҳри Ню-Йорк гузаронида шуд, занҷираи марказӣ гардид.
Иброз гардид, ки ҳамкорӣ дар соҳаи об ва тағйирёбии иқлим, хусусан ҳифзи пиряхҳо аз сатҳи маҳаллӣ, минтақавӣ ва байналмилалӣ метавонад дар татбиқи пурраи ҳадафҳои Даҳсолаи нави «Об барои рушди устувор, солҳои 2018-2028» нақши арзишманд гузорад.
Тақвияти ҳамкорӣ ҷиҳати ноил шудан ба ҳадафҳои оби Рӯзномаи рушди 2030 масъалаи меҳварии Конфронси сеюми байналмилалии сатҳи баланд оид ба татбиқи Даҳсолаи байналмиллалии «Об барои рушди устувор, солҳои 2018-2028»-ро ташкил дод.
Баргузории Конфронси сеюми сатҳи баланд оид ба Даҳсолаи байналмиллалии «Об барои рушди устувор, солҳои 2018-2028» дар Ҷумҳурии Тоҷикистон майдони фаррохи муколама, баррасиии мавзӯъҳои рӯзмарраи об ва иқлимро бо иштироки коршиносони сатҳи ҷаҳонӣ ба вуҷуд овард.
Дар охир аз натиҷаҳои баргузории конфронс бо дарназардошти пешниҳодҳо Эъломияи Душанбе қабул гардид.
Марзия САИДЗОДА,
Зарангези ЛАТИФ,
Тоҳири САИД, Зоҳирҷони ТОИРЗОД (АКС),
АМИТ «Ховар»
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
Умут Аҷар: «Дар Тоҷикистон чорабиниҳои байналмилалӣ дар сатҳи баланди ташкилӣ гузаронида мешаванд»
Сироҷиддин Муҳриддин: «Ҳамкории муассир ягона роҳи устувори ҳалли мушкилоти муштараки об мебошад»
РАВАНДИ ОБИ ДУШАНБЕ. Дар Душанбе ташаккули рӯзномаи ҷаҳонии об баъд аз соли 2030 баррасӣ шуд
