Сармураббии дастаи мунтахаби Тоҷикистон: «Бозӣ бо тими миллии Урдун ҳалкунанда хоҳад буд»
ДУШАНБЕ, 06.06.2024 /АМИТ «Ховар»/. Имрӯз, 6 июн бозии панҷуми даври дуюми марҳилаи интихобии Ҷоми ҷаҳон-2026 дар гурӯҳи «G» байни дастаҳои мунтахаби Урдун ва Тоҷикистон баргузор мегардад, хабар медиҳад АМИТ «Ховар» бо истинод ба Федератсияи футболи Тоҷикистон.
5 июн дар нишасти матбуоти пеш аз бозӣ сармураббии дастаи мунтахаби Тоҷикистон оид ба футбол Гела Шекиладзе интизорияшро аз бозӣ бо тими Урдун иброз намуда, гуфт, ки бозӣ бо тими миллии Урдун ҳалкунанда хоҳад буд.
Сармураббии дастаи мунтахаби Тоҷикистон Гела Шекиладзе таъкид намуд, ки «моро ду бозии муҳим- бо Урдун ва Покистон интизор ҳастанд, ки тақдири марҳилаи интихобиро ҳал мекунанд. Дар Давҳа омодагии хуб доштем ва дастаи мо ба бозӣ бо тими Урдун омода аст. Дар бораи рақиб бисёр маълумот дорем, онҳо низ моро хуб мешиносанд. Давоми 7 моҳи охир ду бор – дар бозии аввали интихобии Ҷоми ҷаҳон-2026 дар Душанбе ва дар даври чорякниҳоии Ҷоми Осиё-2023 дар Давҳа бо ҳам рақобат кардаем. Урдун дастаи хеле хуб аст, хатти ҳамлаи қавӣ дорад ва ба таври шоиста ба финали Ҷоми Осиё баромад. Бозии сеюми мо бо Урдун ҳалкунанда хоҳад буд. Умедворам, ки маҳорати хуб нишон дода, ба натиҷаи мусбат ноил мешавем».
Бозӣ дар Варзишгоҳи байналмилалии Аммон соати 20:30 ба вақти маҳаллӣ (соати 22:30 ба вақти Душанбе) оғоз мешавад.
АКС: Федератсияи футболи Тоҷикистон
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
