Сарвазири Ҷумҳурии Габон Раймон Сима ба захираҳои бузурги обии Тоҷикистон баҳои баланд дод
ДУШАНБЕ, 13.06.2024. /АМИТ «Ховар»/. Имрӯз дар доираи сафари ҳайати меҳмонони Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» ба Неругоҳи барқи обии «Норак» Сарвазири Ҷумҳурии Габон Раймон Сима дар ин макон ба хабарнигори АМИТ «Ховар» андешаҳояшро оид ба ташаббусҳои ҷаҳонии Президенти Ҷумҳурии Тоҷикистон муҳтарам Эмомалӣ Раҳмон дар масъалаи об баëн намуд.
Зимни суҳбат Раймон Сима иқдоми Президенти Ҷумҳурии Тоҷикистон муҳтарам Эмомалӣ Раҳмонро дар мавриди эълони Даҳсолаи байналмиллалии амал «Об барои рушди устувор, солҳои 2018-2028» муҳим ва башардӯстона арзёбӣ кард.
Ҳангоми шиносоӣ бо Неругоҳи барқи обии «Норак» Раймон Сима изҳор намуд, ки сарватҳои ғании обӣ ва гидроэнергетикии Тоҷикистон, ки дар олам яке аз бузургтаринҳо ба шумор мераванд, дар ҳолати самаранок ба кор андохтанашон метавонанд барои ҳамаи кишварҳои ин минтақа манфиати зиёди иҷтимоиву иқтисодӣ оваранд.
Ӯ ба захираҳои бузурги обии Тоҷикистон баҳои баланд дода, табиати зебою нотакрори кишвари моро биҳишти кашфношуда дар рўи замин арзёбӣ намуд.
Тавре Сарвазири Ҷумҳурии Габон изҳор намуд, «Ҷумҳурии Тоҷикистон таҳти роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҳалли мушкилоти вобаста ба об дар сайёра пешсаф буда, бо иқдому ташаббусҳои бузурги башардӯстона дар масъалаи об ва дигар масоили умдаи байналмилалӣ Сарвари давлати Тоҷикистон дар сатҳи минтақа ва ҷаҳон шахсияти шинохта мебошанд».
Зарангези ЛАТИФ,
АМИТ «Ховар»
АКС: АМИТ «Ховар»
Ҷавонони боистеъдоди тоҷик дар беҳтарин муассисаҳои таҳсилоти олии давлатҳои пешрафтаи ҷаҳон таҳсил доранд
Меҳмонони Конфронси байналмилалии сатҳи баланд оид ба ҳифзи пиряхҳо бо имконоти сайёҳии дараи Ромит шинос мешаванд
Пиряхи Партияи гидрографии ҳавзаи дарёи Зарафшон 174 метр қафо рафтааст
Иштирокдорони Конфронси байналмилалии сатҳи баланд оид ба ҳифзи пиряхҳо бо иқтидори бойи обию энергетикии Тоҷикистон шинос мешаванд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Хадамоти алоқа иштирокчиёнро бо интернети баландсуръат таъмин менамояд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Дар Сафеддара «Eco-Run For Glacier» доир мешавад
Бахшида ба Конфронси байналмилалии сатҳи баланд оид ба ҳифзи пиряхҳо байни кӯдакону наврасон озмуни расмкашӣ доир гардид
Иқдоми беназири Тоҷикистон оид ба ҳифзи пиряхҳо дар шабакаҳои телевизонии давлатии Туркманистон муаррифӣ гардид
Дар Конфронси байналмилалии сатҳи баланд оид ба ҳифзи пиряхҳо кадом санадҳо ба имзо мерасанд?
Вобаста ба ташаббусҳои байналмилалии Тоҷикистон дар самти ҳифзи пиряхҳо конференсия баргузор гардид
Тоҷикистон аз Конфронси байналмилалӣ оид ба ҳифзи пиряхҳо кадом натиҷаҳоро интизор аст?
«ПИРЯХҲОРО НАҶОТ МЕДИҲЕМ!». Дар Душанбе байни кӯдакону наврасон озмун гузаронида мешавад
