Шаш паҳлавони тоҷик соҳиби роҳхати Бозиҳои олимпии Париж- 2024 гардид
ДУШАНБЕ, 05.06.2024 /АМИТ «Ховар»/. Шаш паҳлавони тоҷик соҳиби роҳхати Бозиҳои олимпии Париж-2024 гардид. Дар ин хусус муовини Раиси Федератсияи ҷудои Тоҷикистон Эргаш Маҳмадбеков ба шореҳи варзиши АМИТ «Ховар» хабар дод.
Аз ҳафт вазн мо дар шаштои он роҳхати олимпӣ ба даст оварда шуд. Дар вазни то 66 кг ду варзишгар — Обид Ҷебов ва Эмомалӣ Нуралӣ барои иштирок дар Бозиҳои олимпии Париж холҳои заруриро касб карданд, вале бинобар он ки холҳои Эмомалии Нуралӣ бештар буданд, Ҷумҳурии Тоҷикистонро дар ин бозиҳо ӯ намояндагӣ менамояд.
Хотиррасон мешавем, ки Ҷумҳурии Тоҷикистонро аз ҷудо дар Бозиҳои олимпии Париж шаш паҳлавон: Муҳммадсолеҳ Қувватов, Эмомалӣ Нуралӣ, Беҳруз Хоҷазода, Сомон Маҳмадбеков, Комроншоҳи Устопириён ва Темур Раҳимов муаррифӣ мекунанд.
Ҳамин тавр, аввалин бор дар таърих шаш ҷудочии тоҷик саҳмияи олимпӣ ба даст овард. Дар байни давлатҳои Осиёи Марказӣ аз рӯи доштани теъдоди саҳмияҳои олимпӣ байни мардон дар ҷудо фақат Ҷумҳурии Узбекистон аз мо пеш аст. Аз дастаҳои мунтахаби Узбекистон 7 нафар байни мардон ва 4 нафар байни занон, Қазоқистон — 6 нафар байни мардон ва 3 нафар байни занон, Тоҷикистон 6 нафар байни мардон, Қирғизистон 2 нафар байни мардон ва Туркманистон 1 мард ва 1 зан роҳхати Бозиҳои олимпии Париж-2024-ро соҳиб гардиданд.
Муҳимтарин чорабинии варзишии имсола — Бозиҳои XXXIII тобистонаи олимпӣ мебошад, ки аз 26 июл то 11 августи соли 2024 дар шаҳри Парижи Фаронса баргузор мегардад.
Меҳрони ҚУРБОН,
АМИТ «Ховар»
АКС: АМИТ «Ховар»
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
