ВАРЗИШ-ҚОСИДИ СУЛҲ. Мусобиқаи варзишӣ аз намуди футболи хурд байни муассисаҳои таҳсилоти миёнаи касбии ҷумҳурӣ ҷамъбаст шуд

Июнь 7, 2024 16:40

ДУШАНБЕ, 07.06.2024 /АМИТ «Ховар»/. Имрӯз дар Мактаби байналмилалии президентӣ ҷамъбасти мусобиқаи варзишӣ аз намуди футболи хурд байни омӯзгорон ва кормандони муассисаҳои таҳсилоти миёнаи касбии ҷумҳурӣ доир гардид, ки он аз 1 то 6 июн идома ёфт. Дар ин хусус ба АМИТ «Ховар» дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон иттилоъ доданд.

Мусобиқаи варзишӣ бо мақсади ҷонибдорӣ аз ташаббуси ҷаҳонии Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Президенти Ассотсиатсияи футболи Осиёи Марказӣ (CAFA), Президенти Федератсияи футболи Тоҷикистон муҳтарам Рустами Эмомалӣ барои дарёфти Ҷоми Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон баргузор гардид.

Баъд аз натиҷагирии аъзои ҳакамон ҷойи якумро Коллеҷи тарбияи ҷисмонии Тоҷикистон, ҷойи дуюмро Коллеҷи ғайридавлатии тиббии ноҳияи Ховалинг, ҷойи сеюмро Коллеҷи тиббии шаҳри Ҳисор сазовор шуда, Коллеҷи технологӣ-фармасевтии Тоҷикистон дар ноҳияи Ёвон ва Коллеҷи тиббии шаҳри Панҷакент мақоми ифтихориро касб карданд.

Раиси Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон, академик Фарҳод Раҳимӣ иброз дошт, ки футбол яке аз намудҳои рушдёфтаи соҳаи варзиш дар қаламрави Тоҷикистон ва ҷаҳон ба ҳисоб рафта, дар байни аҳолӣ нисбат ба дигар намудҳои варзиш маҳбубияти зиёд касб намудааст. Ҷумҳурии Тоҷикистон дар қатори дигар давлатҳо барои рушди ин намуди варзиш тамоми имкониятро фароҳам овардааст. Таъмини рушди футбол дар Тоҷикистон ва дастгирии варзишгарон, хусусан футболбозон дар маркази таваҷҷуҳи Президенти Тоҷикистон, Пешвои миллат муҳтарам Эмомалӣ Раҳмон ва Президенти Федератсияи футболи Тоҷикистон муҳтарам Рустами Эмомалӣ қарор дорад.

Дар мусобиқа зиёда аз 75 даста аз ҳисоби омӯзгорону кормандони муассисаҳои таҳсилоти миёнаи касбии ҳудуди ҷумҳурӣ фаъолона иштирок намуда, дар ҷамъбаст дарвозабони беҳтарин, нишонзани беҳтарин, бозингари беҳтарин муайян шуда, барои иштироки фаъолона бо Ифтихорнома, Сипоснома, Ҷом ва медали Кумитаи таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон сарфароз гардиданд.

АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон

Июнь 7, 2024 16:40

Хабарҳои дигари ин бахш

Бозингари дастаи «Истиқлол»-и Душанбе Рустам Ятимов расман ба дастаи «Ростов»-и Русия гузариш намуд
ҶОМИ ОСИЁ-2025. Моҳи сентябр марҳилаи интихобии мусобиқа баргузор мешавад
ҶОМИ ОСИЁ-2025. Дастаи наврасони Тоҷикистон дар гурӯҳи «J» қарор гирифт
Дар рӯзи аввалини бозиҳои БРИКС варзишгарони тоҷик 2 медали биринҷӣ ба даст оварданд
Ҳайати Тоҷикистон дар ифтитоҳи бозиҳои варзишии БРИКС 2024 дар шаҳри Қазон иштирок намуд
«ҶОМИ ҲИЗБИ ХАЛҚИИ ДЕМОКРАТИИ ТОҶИКИСТОН». Дар Хатлон мусобиқаи футбол оғоз гардид
ЧЕМПИОНАТИ ОСИЁ ОИД БА КУРАШ. Паҳлавонони тоҷик дар он соҳиби панҷ медал шуданд
ҶОМИ ҶАҲОН-2026. Имрӯз дастаи мунтахаби Тоҷикистон бо тими миллии Покистон бозӣ мекунад
Дар Душанбе давраи шаҳрии мусобиқаи хурди футбол барои дарёфти «Ҷоми Ҳизби Халқии Демократии Тоҷикистон» оғоз гардид
ҶОМИ ҶАҲОН-2026. Дастаи мунтахаби Тоҷикистон аз тими миллии Урдун мағлуб шуд
Ноиби Президенти Кумитаи миллии олимпии Тоҷикистон бо Директори генералии Шурои олимпии Осиё, Президенти Федератсияи ҷаҳонии шиноварӣ вохӯрӣ намуд
«ПАЙВАНДИ НАСЛҲО». Дар Душанбе бо собиқадорони футболи тоҷик вохӯрӣ доир гардид