Дар Бадахшон дар шаш моҳи соли равон ҳиссаи пасандозҳои шахсони воқеӣ 19 фоиз зиёд гардидааст
ДУШАНБЕ, 14.07.2024 /АМИТ «Ховар»/. Ҳиссаи пасандозҳои шахсони воқеӣ маблағи 367,8 млн. сомонӣ ё 87 фисади пасандозҳои умумиро ташкил дода, ин нишондиҳанда нисбат ба ҳамин давраи соли 2023 19 фоиз зиёд мебошад. Зиёдшавии нишондиҳандаи мазкур аз он шаҳодат медиҳад, ки эътимоди аҳолӣ ба низоми бонкии минтақа меафзояд. Дар ин хусус зимни ҷаласаи ҷамъбасти натиҷаҳои рушди иҷтимоию иқтисодии Вилояти Мухтори Кӯҳистони Бадахшон дар шаш моҳи соли 2024, ки 12 июли соли равон доир гардид, иттилоъ дода шуд.
Тавре АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар медиҳад, дар ҷаласа таъкид гардид, ки ҷиҳати беҳтар намудани фазои қарздиҳӣ аз ҷониби ташкилотҳои қарзии минтақа пайваста чораҳои зарурӣ андешида шуда, дар натиҷа маблағгузории қарзӣ дар қаламрави вилоят дар нимсолаи якуми соли равон маблағи 140,8 млн. сомониро ташкил дода, дар муқоиса ба ҳамин давраи соли 2023 32 фисад зиёд гардидааст.
Дар ҷаласа ҳамчунин иттилоъ дода шуд, ки ҳаҷми маҷмӯи маҳсулоти минтақавӣ дар 6 моҳи соли равон ба 829,3 млн сомонӣ баробар гардида, суръати рушд 108 фоизро ташкил дод. Нақшаи даромади буҷет бо назардоштани андози иҷтимоии ғайрибуҷетӣ 104,8 фоиз иҷро гардида, ба буҷет 116,7 млн сомонӣ ворид шудааст, ки нисбат ба нақша 5,4 млн сомонӣ ва нисбат ба ҳамин давраи соли гузашта 16,8 млн сомонӣ зиёд мебошад.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Масъалаи ҳифзи кӯдакон аз таъсири таблиғи ғизои носолим баррасӣ гардид
Дар вилояти Хатлон ғолибони Озмуни ҷумҳуриявии «Хушдомани беҳтарин» муайян гардиданд
Осори Мавлоно чун падидаи нодири адабиёт ва андешаи башарӣ то имрӯз аҳаммияти бузурги маънавию ахлоқӣ дорад
Доир ба нақши Мавлоно дар ташаккули фарҳанги сулҳ конференсияи илмӣ-амалӣ баргузор шуд
Рӯзи дуюми Форуми дуюми сулҳи Фарғона таҳти унвони «Ынтымак» (Рӯзи ягонагӣ) доир шуд
Оид ба мавқеи геосиёсӣ, геоиқтисодӣ ва геофарҳангии Шарқи Миёна ва Наздик конференсияи илмӣ доир шуд
Озмоишгоҳҳои таҳлили канданиҳои фоиданок ва омода кардани намунаи ашёи минералӣ ба истифода дода шуданд
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
