Дар Бонки миллии Тоҷикистон масъалаи муқовимат ба қонунигардонии даромадҳои бо роҳи ҷиноят бадастоварда баррасӣ гардид
ДУШАНБЕ, 19.07.2024 /АМИТ «Ховар»/. Дар Бонки миллии Тоҷикистон ҷаласаи навбатии Шурои комплаенс бо иштироки намояндагони мақомоти танзим ва назорати давлатӣ дар самти муқовимат ба қонунигардонӣ (расмикунонӣ)-и даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом (МҚД/МТ/МПСҚО баргузор гардид.
Дар Бонки миллии Тоҷикистон ба АМИТ «Ховар» иттилоъ додан, ки иштирокдорони ҷаласа оид ба пешгирии пайомадҳои хавфҳои ҷойдошта дар низоми бонкии мамлакат ибрози назар намуда, таъкид доштанд, ки баргузории чунин чорабиниҳо имкон фароҳам месозад дар ҳамоҳангӣ аз таҷрибаи пешрафта истифода карда шавад.
Таъкид шуд, ки дар шароити ниҳоят печидаву ҳассос ва ҷаҳонишавӣ, рушди технологияву хизматрасонии гуногуни молиявӣ, инчунин таҳаввулоти вақтҳои охир, аз ҷумла паҳн шудани эълонҳои зиёди бардурӯғи ҳавасмандкунанда аз ҷониби гурӯҳҳои ҷинояткор бо мақсади гирифтани даромади осон водор месозад барномаҳои корӣ дар муддати кӯтоҳтарин таҷдид ва мизоҷони низоми бонкӣ аз ҳар гуна хавфҳо эмин нигоҳ дошта шаванд.
Инчунин аз ҷониби намояндагони департаменти мониторинги молиявӣ рӯнамо оид ба раванди санҷиши дахлдори муштарӣ тибқи талаботи Дастурамал «Дар бораи санҷиши дахлдори муштарӣ», маълумоти мухтасар оид ба чорабиниҳои гузаронидашуда дар самти тартиби кор бо рӯйхатҳои таҳримӣ аз ҷониби ташкилотҳои қарзии молиявӣ ва корбарӣ дар ин самт ба иштирокдорон маълумоти мухтасар пешниҳод гардид. Дар ин раванд, таҷрибаи андӯхтаи «Бонки Эсхата» ва «Алиф Бонк» дар соҳаи МҚД/МТ/МПСҚО ва навгониҳои кории ташкилотҳои қарзии молиявии номбаршуда пешкаш гардид.
Иштирокдорони ҷаласа вобаста ба масъалаҳои рӯзнома мубодилаи афкор намуда, барои бартараф намудани мушкилиҳои ҷойдошта дар фаъолияти корӣ пешниҳодҳо манзур намуданд.
Шурои комплаенс мақоми машваратии байни мақоми ваколатдори МҚД/МТ/МПСҚО, мақоми танзим ва назорати давлатӣ дар ин самт ва субъектҳои ҳисоботдиҳанда мебошад.
АКС:Бонки миллии Тоҷикистон
Барномаи рақамикунонии соҳаи кишоварзии Ҷумҳурии Тоҷикистон барои солҳои 2025-2030 қабул гардид
Тоҷикистон аъзои Иттиҳоди байналмилалии ҳифзи табиат (IUCN) гардид
Вазорати энергетикаи Тоҷикистон бо ташкилоти байналмилалӣ санадҳои нави ҳамкорӣ ба имзо расонид
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Он самтҳои калидии ҳамкории байналмилалӣ, таҳқиқоти илмӣ ва қарорҳои сиёсиро фаро мегирад
Вобаста ба устувории молиявӣ барои ҳифзи пиряхҳо ва устувории иқтисодӣ дар Тоҷикистон ҳамоиш доир шуд
«АЗ ПИРЯХҲО ТО ХОҶАГИДОРОН». Барои нуҳ давлат барномаи нав таҳия карда мешавад
Масъалаҳои татбиқи лоиҳаҳои муҳими миллӣ вобаста ба тағйирёбии иқлим ва муҳофизати пиряхҳо баррасӣ шуданд
Дар Душанбе доир ба маблағгузорӣ барои мутобиқшавӣ, коҳиш ва ҷуброни талафоти вобаста ба пиряхҳо ҳамоиш доир шуд
Лоиқ Раҳмонзода: «Яке аз хатарноктарин пайомадҳо афзоиши шумораи рахнашавии кӯлҳои пиряхӣ мебошад»
Дар «Dushanbe EXPO Centre» намоишгоҳи саноатии молҳои Тоҷикистон оғоз гардид
Дар доираи Конфронси байналмилалии сатҳи баланд оид ба ҳифзи пиряхҳо дар «Кохи Сомон» зиёда аз 20 гӯша ташкил гардидааст
Дар Душанбе рушди тиҷорати дуҷониба байни Тоҷикистон ва Латвия баррасӣ гардид
