Дар Душанбе саҳми шуроҳои ҷамъиятӣ дар амалишавии ислоҳоти милитсия баррасӣ гардид
ДУШАНБЕ, 25.07.2024 /АМИТ «Ховар»/. 23 июл дар Раёсати Вазорати корҳои дохилӣ дар шаҳри Душанбе мизи мудаввар таҳти унвони «Саҳми шуроҳои ҷамъиятӣ дар амалишавии ислоҳоти милитсия» баргузор гардид. Дар ин хусус ба АМИТ «Ховар» дар Вазорати корҳои дохилии ҷумҳурӣ хабар доданд.
Сардори Раёсати Вазорати корҳои дохилӣ дар шаҳри Душанбе Шоҳрух Саидзода иброз дошт, ки Раёсати Вазорати корҳои дохилӣ баҳри дар амал татбиқ намудани раванди ислоҳоти милитсия корҳои назаррасро ба сомон расонида, дар ин росто ҳамкории судмандро бо шуроҳои ҷамъиятӣ ва дигар қишрҳои ҷомеа самаранок ба роҳ мондааст.
Дар доираи ислоҳоти милитсия, бо мақсади ба таври фаврӣ расидагӣ намудан ба муроҷиати сокинони пойтахт сомонаи расмии раёсат таъсис дода шуда, муроҷиатҳои шаҳрвандон саривақт пайгирӣ карда мешаванд. Ҳамчунин бо мақсади мустаҳкам намудани ҳамкории милитсия бо ҷомеа вохӯрии нозирони минтақавӣ бо шуроҳои ҷамъиятӣ ва сокинони пойтахт баргузор шуда, тасмим гирифта шудааст, ки минбаъд ҳамасола озмуни «Корманди беҳтарини Раёсати Вазорати корҳои дохилӣ дар шаҳри Душанбе» аз намуди самтҳои гуногуни фаъолият ба роҳ монда шавад.
Гуфта шуд, ки дар Раёсати Вазорати корҳои дохилӣ дар шаҳри Душанбе соли 2024 Нуқтаи сайёри милитсия оид ба муроҷиатҳои шахсони воқеӣ ва ҳуқуқӣ таъсис дода шуда, он ҳар ҳафта рӯзи шанбе ба ноҳияҳои шаҳри Душанбе сафарбар мегардад. Зимни сафар муроҷиатҳои шаҳрвандон ба тариқи сайёр қабул карда шуда, дар ҷараёни он роҳбарияти раёсат, кормандони хадамоти шиносномавӣ, огоҳонӣ ва пешгирии ҳуқуқвақронкунӣ байни ноболиғону ҷавонон, нозирони минтақавӣ, ташхиси криминалистикӣ, шуроҳои ҷамъиятӣ ва дигар шахсони масъул иштирок менамоянд, ки ин иқдом барои ҳамкории милитсия бо ҷомеа саҳми босазо гузошта истодааст.
Ба гуфти Ҳамоҳангсози миллӣ оид ба ислоҳоти милитсия Сафиало Азизулозода амалишавии ислоҳоти милитсия яке аз ҳадафҳои асосии Вазорати корҳои дохилии Ҷумҳурии Тоҷикистон ба ҳисоб рафта, маҳз маҳаки асосии ноил гардидан ба чунин ҳадафҳо ҳамкории мустаҳками милитсия бо ҷомеаро ташкил медиҳад.
Ҳамзамон дар ҳамоиш як қатор масъалаҳои муҳим мавриди баррасӣ қарор дода шуда, ҷиҳати боз ҳам беҳтар намудани робита ва ҳамкории милитсия бо ҷомеа таклифу пешниҳодҳои муфид пешниҳод гардид.
АКС: Вазорати корҳои дохилии Ҷумҳурии Тоҷикистон
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
